Osy jastaǵy qyzdarǵa ekpe salýǵa sebep - jatyr moıny obyrynyń aldyn alý. Naqtylasaq, papılloma vırýsyna qarsy vaksına tegin salynady.
Densaýlyq saqtaý mınıstrliginiń esebinshe elimizde osy sanatqa enetin 170 myń qyz bar.
«Elimizde jatyr moıny obyrynyń aldyn alý maqsatynda bıyldan bastap qyzdardy papılloma vırýsyna qarsy vaksınalaý engiziledi. 11 jastaǵy qyzdardyń ata-analaryna óz balalaryn qaterli dertten qorǵaý úshin ekpe saldyrý usynylady. Vaksınasııa ata-analardyń kelisimimen ǵana júrgiziledi», dedi Ajar Ǵınııat.
Mınıstr ekpe mekteptiń egý kabınetterinde jasalatynyn aıtty.
Mınıstrliktiń málimetinshe, Qazaqstanda jyl saıyn 1800 áıelge onkologııalyq aýrýǵa jatatyn jatyr moıny isigi dıagnozy qoıylady eken. Onyń ishinde 600 qyz-kelinshek osy derttiń qurbany bolady.
