Gıpospadııa qandaı kesel?

Taǵdyr basqa salǵan soń, ta­laı otbasy shetelde qymbat ope­rasııa jasatý úshin keıde qa­­ra­­jat jınaýǵa kómek surap, shara­­syzdyqtan qaıyrymdylyq uıym­­daryna júginip jatatynyn kórip júrmiz. Osy máselede qoly uzyn qaıyrymdylyq qor­larynyń septigimen elimizde ha­lyqaralyq sheberlik dáristerin ótkizip, gıpospadııa (nesep-jynys júıesi keseli) dıagnozy qoıyl­ǵan balalarǵa bir mezette ope­rasııalar jasaýǵa sheshim qabyl­dandy.

Osynaý operasııalardy atqa­rý úshin londondyq professor Im­ran Mýshtak Almatyǵa arnaıy shaqyrtylyp, oǵan Astana, Almaty, Qaraǵandy men kórshiles Mońǵolııa, О́zbekstan, Tájikstan elderinen sheberlikterin shyń­daý­ǵa kelgen balalar hırýrgteri kómektesti. Balalar shuǵyl medı­sınalyq kómek kórsetý orta­lyǵynda balalar ýrologteri­ne arnalǵan sheberlik sabaǵy ótip, balalarǵa nesep-jynys joldaryna demonstrasııalyq rekonstrýktıvtik plastıkalyq operasııalar jasaldy. Árip­testerimen birge kishkentaı pa­sıent­terge biregeı operasııa­lar­dy júrgizgen ýrologııa­lyq hı­rýrgterdiń biri doktor Im­ran Mýshtak – London­da­ǵy shaǵyn ınvazıvti ýrolo­gııa­­lyq hırýrgııanyń bastaýyn­da turǵan ári búgingi tań­da Uly­brıtanııadaǵy jetek­shi lapa­roskopııalyq hırýrgteri­niń qatarynda.

 «Gıpospadııa sındromy jıi kezdesedi, ony tek hırýrgııa­lyq jolmen ǵana emdeýge bolady. Eger operasııa erte bastan jasalmasa, balanyń eseıýi qıynǵa soǵady, kishi dáretke baratyn kezde qınalady. Osyndaı dıag­­nozy bar jasóspirimderdiń eresek ómirge ótýi ońaı emes. Mundaı operasııa birden nátı­je berme­genimen, balanyń ortaǵa beıim­delýine jaqsy jaǵ­daı týdyryp, bolashaǵyna da áser etedi», deıdi professor Imran Mýshtak.

Al saýaby mol áleýmettik jo­ba­ny sátimen júzege asyrýǵa «Meıirim» qoǵamdyq qory uıyt­qy boldy.

«Almaty qalasy Balalar je­del medısınalyq járdem orta­lyǵynda tamasha ýrologııa bólimi, joǵary kásibı dárigerler bar. Bizdiń mindetimiz Qazaqstanǵa medısınalyq tehnologııalar ákelý boldy. «Balalarǵa ómir syıla» jobasy dıagnozy Qa­zaq­standa qazirge shıpasy ta­byl­maǵan balalarǵa kómek kórse­tedi. Keıingi jyldary shetel­dik mamandar men bizdiń aýrý­hanalardaǵy qazaqstandyq dárigerlerdiń qatysýymen osyndaı operasııalardy jasaýǵa kúsh salyp jatyrmyz. Bul bizge medısınalyq tehnologııalardy ákelýge ǵana emes, eń basty­sy osyndaı otbasylarǵa kómek­tesýge múmkindik bere­di. О́ıtkeni bala sheteldik klınıkalarǵa barǵanda onyń operasııa bólme­si, jansaqtaý bólimindegi emin, dári-dármek pen basqa da me­dı­sınalyq qyzmetterdiń bárin ózimiz tóleımiz. Al operasııa­ny osynda jasaǵanda, tegin medısınalyq kómektiń kepilden­dirilgen kólemi aıasynda balalar bizdiń aýrýhanalarǵa jatqy­zylady, bul emdelý qunyn aıtar­lyqtaı tómendetedi», dedi «Meıirim» erikti qoǵamy» QQ dırektory Arýjan Saın.

Aıtqandaı, operasııa ja­sal­ǵan eń kishisi 2,7 jasar, úlkeni 16 jastaǵy naýqastardy «Meıi­rim» erikti qoǵamymen birge Al­maty qalasy Balalar jedel medı­sı­nalyq kómek kórsetý ortaly­ǵynyń dárigerleri tań­dady. Qazir operasııa jasalǵan balanyń bári palataǵa aýysty­rylǵan ári jaǵdaılary da birqa­lypty.

«Operasııa kezinde plastıka­lyq túzetý ádisin qoldana otyryp, teri aýystyrdyq. Teri ja­my­lǵylary qulaqtyń artynan aly­nyp, ul balalarǵa zár jo­ly­nyń anatomııalyq durys qa­lyby jasalady. Biz elimizdiń eshbir otandyq aýrýhanasynda jasalmaǵan operasııalardy tańdadyq, Qazaqstannyń ár óńirinen balalar aldyryldy. Qazirge pasıentter ortalyqta, mamandardyń baqylaýynda bolady. Mundaı kezde naýqas úshin operasııadan keıingi kútim, alǵashqy ońaltý men dına­mı­kalyq baqylaý júrgizý óte mańyzdy. Aldaǵy kúnderi biz osymen aınalysamyz», deıdi Almaty Balalar jedel medı­sınalyq kómek kórsetý ortalyǵy ýrologııa bóliminiń meńgerýshisi Azamat Raev.

ALMATY