Foto: senate.parlam.kz
Senator 3 myń jyldyq tarıhy bar Naýryz meıramyn BUU Bas Assambleıasy moıyndaǵanyn jáne adamzattyń materıaldyq emes mádenı murasy tizimine engizgenin eske saldy. Qazaqstan úshin bul mereke erekshe mańyzǵa ıe ekenin de jetkizdi.
«Halqymyzda Naýryz – Ulystyń uly kúni, jyl basy, kún men túnniń teńelgen kúni dep aıtylady. Dál osy kúnderi bitelgen bulaqtardyń kózin ashyp, jerge tal otyrǵyzyp, árkim óz aýlasy men úı-jaıyn tazalaǵan. Egiske shyǵyp egin egip, malmen aınalysatyndar tól alýǵa kirisip Jyl basy qaınaǵan eńbekke ulasqan. Iаǵnı Naýryz halqymyzdyń naǵyz rýhanı jáne eńbek merekesi. Sondyqtan Naýryz – bizdiń ulttyq ıdeologııamyzdyń negizi bolýy kerek. Prezıdentimiz aıtqandaı, Naýryz – jańarý men jańǵyrýdyń sımvolyna aınalýy», dedi Á.Bektaev.
Naýryz meıramy yntymaqtyń, jańarý men jańǵyrýdyń sımvolyna aınalýy úshin senator osy merekeni dáripteýge jáne ony toılaý dástúrin ilgeriletýge yqpal etetin jalpy ulttyq tujyrymdama qabyldaýdy usyndy.
Depýtat Naýryz qarsańynda kópbalaly jáne az qamtylǵan otbasylarǵa, múmkindigi shekteýli azamattarǵa qoldaý jáne kómek kórsetý boıynsha búkil halyqtyq is-sharalardy bastaýdy usyndy. Eńbek adamdaryn marapattaý jáne olardyń jetistikterin nasıhattaý da mańyzdy. Senatordyń usynystarynyń ishinde bul kúnderi soǵystan zardap shekken elderge gýmanıtarlyq kómek kórsetý de erekshe atap ótilgen.
