FOTO: azattyq-ruhy.kz
О́tken jyly Prezıdenttiń «Ádiletti Qazaqstan: bárimiz jáne árqaısymyz úshin. Qazir jáne árdaıym» atty saılaýaldy baǵdarlamasyna sáıkes azamattar ómirinde jáne bıznes jumysynda kezdesetin jaǵdaılardy keshendi sıfrlandyrý bastaldy. Birqatar bastamalar oń nátıje berip úlgerdi.
Mysaly, 2023 jyly avtokólikti qaıta tirkeý boıynsha mámilelerdiń shamamen 55%-y (shamamen 2,3 mln) onlaın formatta júrgizildi. Júrgizýshi kýáligin qaıta jasaý rásimi sıfrlandyryldy jáne kóliktiń tehnıkalyq tekseristen ótkeni týraly derekter eGov-qa shyǵaryldy. e-Salyq Azamat jáne E-notarıat mobıldi qosymshalary arqyly azamattar úshin kedendik deklarasııa tapsyryp, onlaın senimhat rásimdeý jáne notarıýstardan vıdeo arqyly konsýltasııa alý múmkindigi týdy.
Sonymen qatar 17 jastaǵy 150 myńǵa jýyq er bala úshin áskerı esepke alý naýqanynyń formaty jeńildetildi: endi qujattardy jınap, áskerı komıssarıattarǵa barý jáne medısınalyq komıssııadan ótý qajet bolmaıdy. 1,3 mln-ǵa jýyq azamat HQKO nemese áskerı komıssarıattarǵa barmaı-aq mekenjaıy boıynsha proaktıvti formatta esepke tura alady.
Oǵan qosa tehnıkalyq jáne kásiptik bilim týraly dıplomdardyń túpnusqa ekenin tekserý úshin QR-kodtar engizildi, talapkerler nemese olardyń ókilderi bilim berý granty tabystalǵany týraly SMS ala alady. Sondaı-aq Enbek.kz portaly arqyly onlaın rejimde eńbek sharttaryn jasaıtyn servıs iske qosyldy. Jalpy, 2023 jyldyń qorytyndysy boıynsha qanatqaqty nemese tolyq rejimde 146 sıfrlyq bastama iske asyryldy.
Atqarylǵan jumystyń nátıjeleri týraly buǵan deıin osy baǵytta tapsyrma alǵan ortalyq memlekettik organdardyń «sıfrlyq» vıse-mınıstrleri baıandama jasady.
О́z kezeginde salalyq vedomstvo basshysy Baǵdat Mýsın memlekettik organdar iske asyrǵan bastamalardy baǵalaý nátıjelerin málimdedi. Taldaý aıasynda halyq tarapynan jobalarǵa degen suranys, olardyń tıimdiligi, sybaılas jemqorlyq táýekelderin tómendetýge qanshalyqty baǵyttalǵany jáne t.b. eskerildi. Mınıstr 2023 jyly 9 ómirlik jaǵdaı boıynsha 365 bıznes-úderiske reınjınırıng júrgizilgenin, bul tıisti memlekettik qyzmetterdi kórsetý jyldamdyǵy men olardyń sapasynyń artýyna septigin tıgizetinin aıtty.
Aıta ketý kerek, bıýrokratııadan aryltý jáne sıfrlandyrý boıynsha jumysqa «Samuryq-Qazyna» AQ jáne «Báıterek» holdıngi de tartylǵan.
Ǵalymjan Qoıshybaev aldaǵy jyly qoıylǵan mindetterdi barynsha belsendi júzege asyrý kerektigin atap ótti. Sondaı-aq kúrdeli mindetterdi vedomstvoaralyq jumys toptary arqyly múmkindiginshe qysqa merzimde birlesip sheshýdi kózdeıtin «Agile» jáne «Akselerasııa» sııaqty basqarý quraldaryn qoldaný qajet.
«Memleket basshysy aldymyzǵa mańyzdy strategııalyq mindet qoıdy – Qazaqstandy IT-elge aınaldyrý. Sıfrlandyrý salasynda jetistikterimiz bar: «elektrondyq úkimetti» damytý ındeksi boıynsha álemdik kóshbasshylar qataryndamyz. Alaıda bizge munymen toqtap qalmaý kerek, jasandy ıntellekt pen ınnovasııany qoldaný jáne engizýdi qamtamasyz etý qajet», dedi Úkimet Apparatynyń basshysy.
Keńes qorytyndysy boıynsha memlekettik organdarǵa eskertýler men usynystardy eskere otyryp, onlaınservısterdi jaqsartý, sondaı-aq halyqqa naqty jáne eleýli nátıjeler beretin jańa bastamalardy ázirleý jóninde birqatar tıisti tapsyrmalar berildi.
