Qoǵam • 22 Qańtar, 2024

«Bir ýys topyraq»: Jeńiske úsh aı qalǵanda qaza tapqan jaýynger

265 ret

kórsetildi

1 mın

oqý úshin

Atamnyn Amanaty qoǵamdyq birlestigi men Qaraǵandy oblystyq qorǵanys isteri jónindegi departamenti tarapynan ekinshi dúnıejúzilik soǵysynyń jaýyngeri Qalhaı Sarmantaevtyń «Erligi úshin» medali, qasyǵy, ushtaǵyshy jáne jerlengen zıratynan bir ýys topyraq onyń nemereleri Birlik pen Serik Qalqaevqa berildi. Atalǵan oblys týmasy 1943 jyly maıdanǵa attanyp, 2-shi Baltyq maıdany 288-shi Dnov atqyshtar dıvızııasynyń 1014-shi atqyshtar polkinde atqysh bolǵan, dep jazady Egemen.kz Qorǵanys mınıstrligine silteme jasap.

Shyńǵys MUQAEV

«Bir ýys topyraq»: Jeńiske úsh aı qalǵanda qaza tapqan jaýynger

Foto: Qorǵanys mınıstrligi

«Atamyz Qalhaı Sarmantaev 1943-1944 jyldary úsh ret jaralanyp, 1945 jyly 28 qańtarda qaza tapqan. Latvııa úshin shaıqasta qaza tapqanynan habar kelgenmen, jerlengen jeri kórsetilmegen edi. О́tken jyly ǵana biz onyń qaıda jerlengenin bildik. Atamnyn Amanaty birlestigine rızamyz. Atamyzdyń qabirinen ákelingen topyraqty Aqtoǵaıdaǵy zıratqa aparamyz. Atam jaıly birshama bilemiz, degenmen úlkenderden estýimizshe, ol 13 jyl sovhozda jumys istep, 43 jasynda soǵysqa erikti túrde attanǵan. Artynda eki qyzy jáne bir uly qalǵan», dedi sarbazdyń nemeresi Serik Qalqaev.

Mınıstrlik

Qalhaı Sarmantaev jeńiske nebári úsh-aq aı qalǵanda qaza tapqan. 2023 jyly Latvııada izdeý jasaǵy dalalyq joryǵy kezinde baýyrlastar zıratynan onyń súıekterin tabady. Jaýyngerdiń jeke basy «Erligi úshin» medaliniń nómiri arqyly anyqtalǵan, odan bólek onyń qasyǵy jáne ushtaǵyshy tabylǵan.