Forýmǵa daıyndyq bastaldy

Bıyl altynshy forýmǵa ShYU jáne EAEO elderiniń mem­leket qaıratkerleri, álem­niń túkpir-túkpirinen jetekshi sarapshylar men kásipkerler qatysady. Sıfrlyq damý, ınnovasııalar jáne aeroǵarysh ónerkásibi mınıstrligi Aqpa­rattyq tehnologııalar salasyn damytý departamentiniń dırektory Ersultan Ermanovtyń aıtýynsha, bıylǵy forým jańa­shyldyqtarǵa toly bolmaq. Má­selen, iskerlik baǵdarlama men kórme sheńberinde ınnovasııalar men sıfrlandyrýdyń kópjaqty baǵyttaryna nazar aýdarylady.

– Forým GovTech, 4.0 ın­dýs­trııasy, ESG, Smart City jáne basqa da salalardaǵy óner­kásiptegi sıfrlyq transformasııa jáne ınnovasııalyq she­shimder taqyryptaryn asha­tyn aýqymdy iskerlik baǵdarlamany usynbaq. Paneldik pikir­ta­lastar sheńberinde halyq­ara­lyq sarapshylar, sala kósh­bas­shylary, IT jáne bıznes salasyndaǵy jetekshi ınnovatorlar qatarynan 200-den as­a spıker qatysady. Olar eko­nomıka men ınnovasııa sektorlarynda jańa tehnologııalardy qoldaný jaıynda tabysty keısterimen bólisedi, – dedi E.Ermanov.

Sondaı-aq forýmda sıfr­lyq salaǵa jaýapty vıse-mınıstr­lerdiń birinshi otyrysy uıymdastyrylady. Ár mınıstr­lik óziniń iske asyryp jat­qan aqparattyq júıelerin kórsetedi.

Sonymen qatar bıyl Gov tech salasyndaǵy bastamalardy iske asyrý men ekonomıkanyń naqty sektoryndaǵy, atap aıt­qanda, óndirýshi ónerkásipti sıfr­landyrý salasyna ba­symdyq berilmek.

Digital Almaty 2024 uıym­dastyrý komıtetiniń jetekshisi Adııa Ahmetovanyń habarlaýynsha, kórmege iskerlik baǵdarlama aıasynda 200-den asa kompanııa qatysady. Bıyl kórmeniń negizgi nysandary – Sıfrlyq damý, Energetıka, sondaı-aq О́nerkásip jáne qurylys mınıstr­likteriniń kórmeleri. Qazaq­stan, Reseı, Qyrǵyzstan, О́zbekstan jáne Armenııa elde­rinen 126 tehnologııalyq startap qatysady. Halyqaralyq kór­meler ótedi. Olardyń arasynda Iran, Tatarstan, Qytaı kórmeleri bar.

– Kórmeniń taǵy bir tusy – ınnovasııalyq jobalarmen tanystyratyn jer qoınaýyn paıdalanýshylar alleıalary. Oǵan qatysatyn otandyq jáne sheteldik kompanııalardyń túr­li ınnovasııalyq sheshim­deri usynylady. Tech gar­den rezıdentteri arasynan óner­kásip úshin sheshimder ázir­leı­tin elimizdiń úzdik IT-kompa­nııalarynyń kórmesi de ótedi, – dedi Adııa Ahmetova.

Forým aıasynda Ortalyq Azııa­daǵy eń úzdik startap ataǵy úshin alǵashqy iri saıy­s uıymdastyrylady. Jalpy, júlde qory 150 myń dollardy quraıtyn «Industry 4.0 Startup Battle» úzdik ónerkásiptik startapty anyqtaıtyn aýqymdy saıys bolyp sanalady. Onyń maqsaty – ónerkásipti sıfr­landyrý salasyndaǵy ınno­vasııalyq startaptardy qol­daý. «Industry 4.0 Startup Battle» utymdy ıdeıalar men she­shim­derdiń, tehnologııalyq ınno­va­sııalardyń shyńy bolmaq.

Álemdik sarapshylar moıyn­daǵan Digital Almaty forýmy byltyr sıfrlyq taý-ken, mem­leket basqarýyn, krıptobırja, kıberqaýipsizdik, bilim berý jáne korporatıvti ınnovasııalardy talqylaýda 150-den asa spıkerdiń basyn qos­qan bolatyn. Sonymen qatar forým mektep oqýshylaryna ar­nalǵan Digital Ministry Cup atty robottehnıka jáne ın­jenerlik jobalar boıynsha alǵashqy halyqaralyq chempıonatyn ótkizdi. Qazaqstan, Reseı jáne Ázerbaıjannan kelgen qatysýshylar arasynda tórt atalym boıynsha jeńimpazdar anyqtaldy. Byltyr forým ala­ńynda alǵash ret Tech Garden Awards marapattaý rásimi ótip, 2022 jyldyń qorytyndysy boıynsha óndiris jumystaryna ınnovasııalyq jobalardy en­gizgeni úshin ónerkásip orynda­ry men ındýstrııalyq kásip­oryndar marapattaldy.