Byltyr Qazaq Ulttyq agrarlyq zertteý ýnıversıteti men «Tashkent ırrıgasııa jáne aýyl sharýashylyǵyn mehanıkalandyrý ınjenerleri ınstıtýty» arasynda «Jol kartasy» ázirlengen bolatyn. Bul mańyzdy qujatty О́zbekstannyń Joǵary bilim, ǵylym jáne ınnovasııa mınıstrligi men elimizdiń Aýyl sharýashylyǵy mınıstrligi bekitip, qoldaý bildirgen.
«Jol kartasyn» júzege asyrýǵa baılanysty jaz aıynda Almatyǵa arnaıy kelgen «TIAShMII» ǴZÝ Ǵylymı jumys jáne ınnovasııalar jónindegi prorektory Tohır Sultonovpen sý sharýashylyǵy mamandaryn birlese daıarlaýdyń jospary bekitilip, ǵylymı jáne bilim berý ınfraqurylymyn jasaqtaýdyń alǵysharty qabyldandy.
QazNARU basqarma tóraǵasy-rektor, UǴA vıse-prezıdenti, akademık Aqylbek Kúrishbaev «Tashkent ırrıgasııa jáne aýyl sharýashylyǵyn mehanıkalandyrý ınjenerleri ınstıtýty» ǵylymı-zertteý ýnıversıteti rektorynyń keńesshisi, Transformasııalaý jáne strategııalyq damý bóliminiń jetekshisi, professor Pıter Makkannmen kezdesý barysynda ary qaraıǵy eki jaqty yntymaqtastyq negizderin talqylady.
Pıter Makkann – halyqaralyq ǵylymı qaýymdastyqqa tanymal tulǵa. Ol Kanadanyń jeti provınsııasynda, AQSh-tyń eki shtatynda, sondaı-aq Fınlıandııa, Germanııa, Qazaqstan, Ázerbaıjan, Qyrǵyzstan jáne О́zbekstan elderinde dáris berip, ǵylymı qyzmette júr. Onyń «Jeke kompanııalardyń strategııasy jáne bıznesti josparlaý», «Tóńkerister: mı, batyldyq jáne tózimdilik» taqyrybyndaǵy iskerlik kitaptary ǵylymı ortada joǵary suranysqa ıe.
Qazaq Ulttyq agrarlyq zertteý ýnıversıetetinde sý sharýashylyǵy mamandarynyń áleýetin kúsheıtý sharalarymen tanysqan Pıter Makkann «Joǵary oqý oryndarynyń básekege qabilettiligin arttyrý jáne álemdik qýatty ýnıversıtetter qatarynan kóriný baǵytyndaǵy ınnovasııalyq tehnologııalardy ázirleý bastamalaryńyzdy tolyq qoldaımyz. Stýdentterińizdi kelisimshart boıynsha qarsy alyp, jaıly jataqhanaǵa ornalastyryp, birden oqýlaryn jalǵastyryp ketýge barlyq múmkindik jasalǵan. Birlesken jobamyz keleshekte agrosektor salasynda bilikti jas kadrlardyń kásibı quzyretterin arttyrýǵa tyń serpin beretinine senimdimiz», dep atap ótti.
«Osy iskerlik aıasynda bıylǵy jyldyń aqpan aıynda bizdiń birinshi kýrstyń 15 stýdenti «Sý resýrstary jáne sýdy paıdalaný» bilim berý baǵdarlamasy boıynsha Tashkentke bakalavrıatta oqýǵa attanbaq. Ary qaraı «Jol kartasynda» belgilengen mindetter aıasynda ekijaqty qyzmetterdi jalǵastyra beretin bolamyz», dedi QazNARU rektory Aqylbek Kúrishbaev.
Eki el ýnıversıtetteri arasyndaǵy yntymaqtastyqty nyǵaıtý memorandýmy 2028 jylǵa deıingi kezeńdi qamtıdy. Kelisimshartta ınfraqurylymdarmen qamtamasyz etý, tehnıkalyq oqý quraldarymen jabdyqtaý, zamanaýı oqý jáne ǵylymı ádebıettermen, professor-oqytýshylar quramy pen bilim alýshylardyń akademııalyq utqyrlyǵyn qamtamasyz etý sharalary qamtylǵan.
ALMATY
