Mońǵolııada Aısholpanǵa deıin eshqandaı qyz balasy qolyna búrkit qondyrmaǵan. 6 jasynan atqa mingen arýdyń búrkit baptaýy aǵasynyń áskerge ketýimen tus kelgen. Onyń búrkitshi qyz retinde álemge tanylýyna ızraıldik fotograf Asher Svıdenskıdiń Aısholpandy arnaıy izdep baryp, sýretke túsirýi sebep bolǵan.
Búrkitshi qyzdyń ózi 2018 jyldan beri elde bilim alyp júr. Al ata-anasy 1 apta buryn Shyǵys Qazaqstan oblysyna kóship keldi. Onyń otbasy shyraıly Shyǵysty tabıǵaty kórkem, qus baptaýǵa qolaıly óńir bolǵandyqtıan tańdaǵan.
«Men Qazaqstandamyn, bir aptadaı buryn ata-anam men baýyrlarym kóship keldi. О́zim Almatydaǵy S.Demırel atyndaǵy ýnıversıtette qazaq tili men ádebıeti mamandyǵy boıynsha 4-kýrsta oqyp jatyrmyn. Qazir mamandyǵym boıynsha jumys qarastyryp jatyrmyn», dedi Aısholpan Nurǵaıyp.
Ol oqý men qatar búrkit baptap, jattyǵý jumystaryn jalǵastyryp júr.
«Oqý men búrkitpen aınalysýdy qatar alyp júrmin. Aptasyna bir ret aınalysamyn. Jarystarǵa qatysyp júrgen joqpyn, tek qonaq retinde baramyn. Sebebi oqýdan qol tımeıdi», dedi búrkitshi qyz.
