FEDERASIIаǴA JAŃA BASShY KELDI

Úkimette Birinshi Vıse-Premer О́mirzaq Shókeevtiń tóraǵalyǵymen shańǵy sportyn damytý jónindegi uıymdastyrý komıtetiniń alǵashqy otyrysy ótti. Otyrysta sporttyń osy túriniń qazirgi damý deńgeıi, elimizde kelesi jyly ótetin Qysqy Azııa oıyndaryna daıyndyq máseleleri qaraldy. Sonymen birge onda О́.Shókeevtiń Shańǵy sporty federasııasynyń prezıdenti bolyp taǵaıyndalǵany habarlandy. Osyǵan baılanysty ol óz tarapynan sporttyń osy túrin damytýǵa jáne shańǵyshylardyń halyqaralyq jarystarda joǵary nátıjeler kórsetýlerine barlyq jaǵdaıdyń jasalatynyn atap ótti. Onyń aıtýynsha, qazir elimizde qysqy sport túrleri jaqsy damyp keledi. Degenmen, bes saýsaq birdeı emes degendeı, shańǵy jarystarynda otandastarymyzdyń laıyqty deńgeıde óner kórsetpeı júrgeni jasyryn emes. Osy máseleni bir jaqty sheshý úshin shańǵy sportyna memleket jáne jeke bıznes tarapynan úlken qoldaý qajet. Búginde Shyǵys Qazaqstan men Aqmola oblystary ǵana sporttyń osy túrin damytýǵa basa nazar aýdarýda. Bolashaqta bizdiń aldymyzda shańǵy sporty Astana men Almaty qalalarynda, Almaty oblysy men soltústik óńirlerde damytý mindeti turýy tıis. Otyrysta О́.Shókeev osy máseleni sheshý úshin birqatar tapsyrmalar berdi. Sonyń ishinde ol aldaǵy kezde Astanadaǵy ortalyq parkte shańǵy bazasyn, Rıdderde shańǵy roller trassasyn salý kerektigin aıtty. Sóziniń sońynda federasııa prezıdenti bolashaqta Qazaqstannyń qysqy sportynyń brendin jasaý úshin qazir “Astana” veloklýby sııaqty shańǵydan myqty bir komanda jasaqtaý kerek degen pikirin bildirdi. Dastan KENJALIN.