Foto: zhalagash-zharshysy.kz
Qańǵyǵan ıtter men mysyqtardy aýlaýǵa gelmen qaptalǵan arnaıy ilmekter paıdalanylady. Mamandar janýarlar ıesi janynda bolmaǵan jaǵdaıda ǵana aýlanatyndyǵyn aıtady. Sol mezette arnaıy akt jasalyp, keıinnen ızolıatorlarǵa qamalyp, olardy klınıkalyq tekseristen ótkizedi. Yńǵaıly etip jasalǵan ýaqytsha ustaý oryndarynda aýlanǵan ıt-mysyqqa ýaqytyly tamaq beriledi.
Adamdarǵa shabýyl jasaǵan nemese aýrý anyqtalǵan janýarlarǵa 3 kún boıy dári-dármek beriledi. Odan aman ıtter men mysyqtarǵa arnaıy chıp qoıylyp, sterıldenedi, kastrasııalanady. Bul sharalardan keıin janýarlar ıesi tabylǵanǵa deıin 14 kún ızolıatorda bolady, ıesi tabylmaǵan jaǵdaıda aýlanǵan jerine qaıtadan jiberiledi.
Jyl basynan beri Qonaev qalasynda 154 qańǵyǵan ıt aýlanǵan.
