Jýyqta sýretshiniń 120 jyldyq mereıtoıyna oraı kórme ashyldy.
«Bul kartınalar ótken ǵasyrdyń jyldary T.Shevchenko atyndaǵy Qazaqstannyń Memlekettik kórkemsýret galereıasynan, odan keıingi jyldary Qazaq KSR sýretshiler odaǵynyń, Qazaq KSR Mádenıet mınıstrliginiń kórkemsýret kórmeleriniń dıreksııasynan alyndy. Taǵy bir týyndysy («Tabıǵat kórinisi») avtordyń otbasynan 1974 jyly satyp alyndy», deıdi pavlodarlyq ónertanýshy Elena Dýbovaıa.
«Qamal janyndaǵy tas kópir» (1937) jáne «Medeý taýyndaǵy Almaty ózeniniń jazyqtyǵy» (1937) sýretteri alǵashqy salynǵan kartınalary qatarynan sanalady. Qos týyndynyń astyna latyn árpimen qol qoıylǵan jáne «1937 god, A.Qastejip» dep belgi soǵylǵan.
Al «Aqsaqaldyń beınesi» (1950), «Quda» (1972) jáne «Ǵ.Músirepovtiń sýreti» (1973) sheberdiń qalyptasý kezeńderin sıpattaıdy. О́kinishke qaraı, Músirepovtiń beınesi aıaqtalmaı qalǵan.
О́ner ıesiniń shyǵarmashylyǵynda negizgi taqyryp – Otan men el-jer. Sýretshi ony eńbek adamdarymen, olardyń kásibimen, malshylardyń tabyndarymen, eginshilerdiń dala qostarymen baılanysty naqty ómirlik kezeńderdi kórsetý arqyly damyta túsken. Muny «Jaılaý» (1963), «Shopandarǵa kelgen úgitshiler» (1964), «Kıiz úı janyndaǵy áńgime» (1969), «Shopandardyń jańa turmysy» (1970) jumystarynan anyq ańǵaramyz. Al «Abaıdyń týǵan jeri» (1961), «Sh.Ýálıhanovtyń týǵan jeri» (1966), «Shejin taýlary» (1968) da keremet keskindelgen.
PAVLODAR
