О́tken jyl qorytyndylanyp, aldaǵy 2024 jyly atqarylatyn is-sharalar talqylanǵan jıynda Nyǵmet Ahmetuly ardagerler uıymdarynyń esebin tyńdap, josparǵa sáıkes atqarylatyn tapsyrmalar jaıyna toqtaldy. Abaı oblysy Qorǵanys ister jónindegi departamentiniń bastyǵy kóktemgi jáne kúzgi merzimdegi áskerı qyzmetke shaqyrý naýqanyna belsene qatysý, «Aıbyn» Halyqaralyq áskerı-patrıottyq jastar jıynyna sapaly daıyndyqty uıymdastyrý men «Analar júregi» sarbazdar analary respýblıkalyq uıymymen birlesip tyǵyz qarym-qatynasta jumys isteý kerek ekenin atap ótti.
Byltyr oblysta ardagerlerdiń qatysýymen 250-den astam áskerı-patrıottyq is-sharalar uıymdastyrylǵan bolatyn. Jyl saıynǵy dástúrli túrde ótetin «Aıbyn» respýblıkalyq áskerı-patrıotyq jastar jıynyna áskerı-patrıottyq klýbtardyń, «Jas ulan» mektep tárbıelenýshileriniń jáne áskerı qyzmetshileriniń balalary qatysyp jatyr. О́tken jylǵy jıyn halyqaralyq formatta ótkizilip, oblystyń namysyn qorǵaǵan «Abaı qyrandary» áskerı-patrıottyq klýby joǵary nátıje kórsetti. Sonymen qatar jyl saıyn 1 qyrkúıekte óńirimizdiń barlyq mektepterinde bilim kúnine arnalǵan «Erlik sabaqtary» ótkizilip jatyr.
Jalpy, Abaı oblysynda 300-den astam áskerı-patrıottyq klýbtar 7 myńnan astam balany qamtysa, 70-ten astam «Jas sarbaz» synybynda 1350 bala tárbıe alyp júr. Al úsh «Smart Sarbaz» úıirmesinde 63 bala bilim alady eken. Abaı oblysy Qorǵanys ister jónindegi departamenti jergilikti atqarýshy organdarmen, jalpy bilim beretin mekemelerimen, qoǵamdyq uıymdarmen jáne ardagerlermen joǵary dárejede birlese jumys nátıjesin kórsetip júr.
