BES AIDYŃ О́SIM KО́RSETKIShI – 8,3 PAIYZ!

Keshe Parlament Májilisiniń Tóraǵasy Oral Muhamedjanovtyń jetekshiligimen “Nur Otan” HDP-nyń Májilistegi fraksııasynyń keńeıtilgen otyrysy ótti. Onda Qazaqstan Respýblıka­sy Prezıdentiniń Jol­daýynda alǵa qoıylǵan mindetter turǵysynda О́ńirlik jumyspen qamtý jáne kadrlardy qaıta daıarlaý strate­gııa­synyń (“Jol kartasy”) iske asý barysy týraly Qazaqstan Res­pýblıkasy Premer-Mınıstriniń orynbasary Erbol Orynbaev baıandama jasady. Otyrysta aldymen O.Mu­ha­med­­janov qysqasha sóz sóıledi. Memleket basshysynyń bıylǵy Joldaýynda naqty kórsetilgen elimizdiń alǵa jyljý vektory qa­zaq­standyqtardyń kóńilinde taıaý­daǵy on jylda biz daǵdarystan keıingi jańa álemde ornyqty pozı­sııaǵa ıe bolamyz degen senim uıalatady. Shyn máninde, bıylǵy jyly Qazaqstan jańa onjyl­dyq­qa ekonomıkalyq damýdyń qomaq­ty áleýeti men halyqtyń, árbir otbasynyń turmys jaǵdaıynyń jaqsarýymen aıaq basqaly otyr. Demek, 2009 jyly álemdik ekono­mı­ka úshin óte kúrdeli jyl bol­ǵa­nyna qaramastan, Qazaqstan oń ózgeristerdi qamtamasyz etip, bank sektoryndaǵy jaǵdaıdy turaqtan­dyra bildi, jumyssyzdyqqa jol bermeı, halyqtyń naqty kiris­te­rin, áleýmettik tólemderdiń ósimin qamtamasyz etti, turǵyn úı qury­lysynda úleskerlerdiń problema­la­ryn sheship, eldiń ınvestısııa­lyq tartymdylyǵyn saqtap qaldy. О́zderińiz bilesizder, bul eń aldymen el Prezıdentiniń tapsyr­masy boıynsha daǵdarysqa qarsy tıimdi sharalar, onyń ishinde zań­namalyq sıpattaǵy sharalar qa­byldaǵan Úkimet pen Parlament­tiń úılesimdi is-qımylynyń ar­qasynda múmkin boldy, dedi Májilis Tóraǵasy. Qazirgi zaman tarıhynda 2009 jyl óte aýyr jyl bolǵany bel­gi­li, dedi baıandamasynda E.Oryn­baev. Aldyn ala baǵalaýǵa qarasaq, dú­nıe júzi boıynsha ishki jalpy ónim 1,1 paıyzǵa tómendegen, al da­­myǵan elder ekonomıkasynyń resessııasy tipti kúshti boldy. Qazaqstandyq ónerkásip ónimdiligi men jeke saýda aınaly­my tómendegen, el turǵyndarynyń jumyssyz qalý qaýpi kúsheıip ketken bolatyn. Birinshi jarty­jyl­dyqta ishki jalpy ónim 3 paı­yzǵa tómendep, jumyssyzdyq deń­geıi 6,8 paıyzǵa jetti. Prezı­dent 2009 jyldyń basynda Úki­met­tiń aldyna qazaqstandyqtar­dyń áleýmettik turmys jaǵdaıyn saq­tap qalýdy, turǵyndardy ju­mys­pen qamtý, jumyssyzdyq deń­geıiniń ósýin boldyrmaýdy naqty mindet etip qoıǵan bolatyn. Osy tapsyrmaǵa sáıkes Úkimet aımaq­tyq jumysbastylyq jáne kadr­lar­dy qaıta daıarlaýdyń Prezı­dent strategııasyn iske asy­ratyn “Jol kartasyn” ázirledi. 2009 jylǵy “Jol kartasyn” júzege asyrý 258 myń jańa jumys ornyn ashýǵa múmkindik berdi. 124 myńnan astam jas azamat áleýmet­tik jumys oryndaryna jiberildi, 100 myńdaı adam qaıta daıarlaýdan ótti. Jalpy alǵanda “Jol kar­ta­sy” qaıta daıarlaýmen qosa, 400 myńnan astam jumys ornyn ashýǵa jaǵdaı týǵyzdy. Bul sharalar jumyssyzdyqtyń deńgeıin sońǵy jyldardaǵy eń tómengi kórsetkish – 6,3 paıyzǵa deıin qysqartýǵa múmkindik berdi. E.Orynbaev elimizde júzege asyrylǵan basqa da birqatar oń jumystardy atap kórsete kelip, al­dyn ala baǵam boıynsha ústi­mizdegi jyldyń alǵashqy 5 aıynda IJО́ ósimi 8,3 paıyzdy quraǵanyn erekshe atady. Fraksııa basqosýyna “Nur Otan” HDP basshylyǵy, Úkimet músheleri, Májilis depýtattary, Qazaqstan Respýblıkasy Prezı­denti Ákimshiligi men Premer-Mı­nıstr keńsesiniń ókilderi qatysty. Kún tártindegi másele boıynsha Májilis depýtattary, “Nur Otan” HDP fraksııasynyń músheleri Jaqyp Asanov, Ashat Bekenov, Tatıana Iаkovleva, Maıra Aısına, Olga Kıkolenko sóz sóılep, óz pikirlerimen bólisti. Aıtylǵan usynystar negizinde jınalys qorytyndysy boıynsha Úkimettiń “Jol kartasyn” iske asyrý barysyndaǵy jumystaryn jetildirý jóninde “Nur Otan” HDP Parlament Májilisindegi fraksııasynyń qaýlysy qa­byldandy.