Foto: profit.kz
Onyń aıtýynsha, alıanstyń negizgi maqsaty – startap jobalarymen jáne tehnoparkterdiń tájirıbesimen almasý, startaptar naryǵyna shyǵýǵa kómek kórsetý, ortaq venchýrlyq qor qurý, birlesken ınkýbasııa jáne akselerasııa baǵdarlamalary boıynsha oqytý, 24 bıznesmen úshin tegin jumys keńistigin qamtamasyz etý, ShYU elderiniń tehnoparkterinde qol jetkizý, masshtabtaý sheshimderi, granttar men qoldaý sharalary da qarastyrylǵan.
Ol ShYU elderiniń startaptar arasyndaǵy yntymaqtastyqtyń áleýeti zor ekenin atap ótti.
Ekinshi usynys – aımaqtyq DATA habtaryn qurý, ıaǵnı birlesken derekterdi saqtaý derekter bazasyn ázirleý boıynsha kúsh-jigerdi biriktirý.
«Sonymen qatar biz aqparat berýdi jaqsartatyn arnalardy damytýǵa nıettimiz. Jaqynda ótken kezdesýde Qasym-Jomart Toqaev joǵary deńgeıde Reseıden Iranǵa Qazaqstan men Kaspıı teńizi arqyly talshyqty-optıkalyq baılanys jelisin tartý týraly usynys jasady. Biz Reseıdegi áriptesterimizben sóılestik, búgin Prezıdenttiń osy ıdeıasyn júzege asyrý maqsatynda Irannan kelgen áriptestermen sóılesemiz», dedi Baǵdat Mýsın.
Sondaı-aq ol ShYU elderiniń qatysýymen spýtnıkterdi qurýdan bastap sıfrlyq platformalardy engizýge deıingi birlesken jobalardy engizýdi usyndy.
Aıta keteıik, Qazaqstanda ShYU sıfrlyq forýmyn ótkizý bastamasy Qasym-Jomart Toqaevtyń 2023 jylǵy 4 shildedegi ShYU onlaın sammıtinde kóterilgen edi. Ol sıfrlyq teńsizdikti júıeli túrde qysqartý ShYU qyzmetindegi naqty basymdyqqa aınalýy tıis ekenin atap ótti.
