Foto: egemen.kz
Qazaq premeriniń aıtýynsha, EAEO 190 mıllıon halqy bar, 93 mıllıonnan astam adam eńbek naryǵy men 2,7 trıllıon dollar IJО́ qarqyndy damyp kele jatqan ıntegrasııalyq birlestik. Múshe memleketter arasyndaǵy ózara saýda 2015 jyldan 2022 jylǵa deıin eki ese ósip, 85 mıllıard dollarǵa jetti.
Álıhan Smaıylov óz sózinde Eýrazııalyq bestiktiń ózara is-qımylynyń mańyzdy baǵyttaryna toqtaldy. Ol EAEO Shyǵys pen Batystyń, Soltústik pen Ońtústiktiń toǵysqan jerinde ornalasqanyn, bul árqashan aımaqtyń básekelestik artyqshylyǵy bolǵanyn atap ótti. Sońǵy 15 jylda Qazaqstan tranzıttik jáne kóliktik ınfraqurylymdy damytýǵa 35 mıllıard dollardan astam qarjy bóldi.
«Biz elderimizdiń halyqaralyq dálizderiniń, logıstıkalyq termınaldary men ótkizý pýnktteriniń áleýetin odan ári arttyrý mańyzdy dep sanaımyz. Men EAEO-nyń barlyq elderin tranzıttik jáne kólik ınfraqurylymyn damytý boıynsha birlesken jobalardy júzege asyrýǵa shaqyramyn», dedi Álıhan Smaıylov.
Ol sondaı-aq Qazaqstannyń ónerkásiptik kooperasııany damytý ortalyǵy retinde áreket etýge daıyn ekendigine nazar aýdardy. Onyń aıtýynsha, bıyldan bastap strategııalyq jobalardy júzege asyrýǵa múmkindik beretin, bıznes-bastamalardy tıimdi ilgeriletýge, ózara ınvestısııany aıtarlyqtaı arttyrýǵa múmkindik beretin birlesken jobalarǵa qarjylyq kómek kórsetý tetigi iske qosylady.
Álıhan Smaıylov «tórt bostandyq» pen EAEO týraly sharttyń negizgi qaǵıdattaryn júzege asyrý Odaqtyń negizi bolyp qala beretinin eske saldy. Onyń aıtýynsha, eksporttaýshylar ózara saýdada jasyryn shekteý jaǵdaılarymen jıi kezdesedi.
«Sondyqtan biz úshin tórt erkindiktiń biri – taýarlardyń qozǵalysy erkindigin júzege asyrýdy qamtamasyz etý máselesi ózekti bolyp qalyp otyr. Kedergisiz ortaq naryqty qalyptastyryp, taýarlardyń úshinshi elderge kedergisiz ótýin qamtamasyz etý qajet. Bul barlyq negizgi prosesterdi sıfrlandyrýǵa yqpal etý kerek», dedi Premer-mınıstr.
Álıhan Smaıylovtyń aıtýynsha, úshinshi eldermen jáne halyqaralyq uıymdarmen dıalogty jandandyrý mańyzdy, bul ózara ekonomıkalyq múddelilik. Ol seriktester EAEO elderiniń artyqshylyqtary týraly bilýi kerek dep sanaıdy.
