ZAŃ JOBALARY AIQYNDALDY

Keshe Parlament Májilisiniń Tóraǵasy Oral Muhamed­janovtyń jetekshiligimen ótken palata bıýrosynyń otyrysynda zań jobalarynyń daıyndyǵy týraly  máseleler qaraldy. Palatanyń Halyqaralyq ister, qorǵanys jáne qaýipsizdik komı­te­ti birqatar zań joba­laryn qa­raýdy usynyp otyr. Atap aıt­qanda, “Qazaqstan Respýblıka­sy­nyń Úkimeti men Fransýz Res­pýb­lıkasynyń Úkimeti arasyndaǵy Jerdi qa­shyqtyqtan zondtaýdyń ǵarysh júıesi men ǵarysh apparat­ta­rynyń qurastyrý-synaý keshe­nin qurý jáne paıdalaný shart­tary týraly kelisimdi ratıfı­ka­sııalaý týraly” jáne “Qazaq­stan Respýblıkasynyń Úkimeti men Reseı Federasııa­synyń Úkimeti arasyndaǵy “Baı­qońyr” keshenin­de bolý tár­tibi týraly kelisimdi ra­tıfıkasııalaý týraly” zań jo­ba­lary jalpy otyrysqa shy­ǵarylady. Sonymen qatar, atalǵan ko­mıtet “Qazaqstan Respýblıka­sy­nyń Úkimeti men Reseı Federa­sııa­synyń Úkimeti arasyndaǵy Ǵarysh keńistigin beıbit maq­sat­tarda zertteý jáne paıdalaný sa­lasyndaǵy yntymaqtastyq tý­ra­ly kelisimdi ratıfıkasııalaý tý­raly” zań jobasymen jumysty jalǵastyrý jóninde usynys jasady. Sondaı-aq bıýro otyrysynda depýtattyq korpýstyń zań shy­ǵarýshylyq qyzmetine qatysty basqa da máseleler qaraldy. “Egemen-aqparat”.