Avtobýstardy otynmen qamtamasyz etý úshin tehnopark aýmaǵynda ornalasqan alǵashqy metan gaz stansasy jumys isteıdi. Sonymen qatar parkte marshrýttardy baqylaýǵa jáne avtobýstardyń ishki beınejazbalaryn kórýge múmkindik beretin dıspetcherlik bólme bar. Avtobýstardy satyp alý jáne metan quıý stansasyn iske qosý oblystyq jáne qalalyq ákimdikterdiń qoldaýymen «Kaspıı» ÁKK» ınvestısııalyq jobasy sheńberinde iske asyryldy.
Jobanyń maqsaty – Mańǵystaý oblysy jolaýshylar tasymalyn barynsha qaýipsiz, yńǵaıly, sapaly etetin qoǵamdyq kólikpen qamtamasyz etý. Sondaı-aq naryqqa jańa zamanaýı avtobýstar shyǵarý.
– Memleket basshysy Qasym-Jomart Toqaevtyń Mańǵystaý oblysyn áleýmettik-ekonomıkalyq damytý boıynsha bergen strategııalyq tapsyrmalaryn oryndaý sheńberinde oblys pen aýdan ortalyqtaryn baılanystyratyn avtobýs tasymalyn uıymdastyrý júzege asyrylyp jatyr. Búgin oblysymyz úshin tarıhı kún. Sebebi shalǵaı aýdandarymyzdyń turǵyndary endi oblys ortalyǵyna jańa, zamanaýı, yńǵaıly, úlken klastaǵy týrıstik avtobýstarmen qatynaıtyn bolady. Bul ekologııalyq jáne ekonomıkalyq turǵyda tıimdi bolmaq. Aıta ketý kerek, avtobýs parkin jańartý úderisi kezeń-kezeńimen júzege asyrylyp keledi. Aldymen 120 avtobýs satyp alyndy, olardyń 70-i qalaishilik kólik qyzmetin kórsetýge arnalsa, qalǵan 50-i oblys ortalyǵy men Munaıly aýdany arasynda yńǵaıly tasymaldaýdy qamtamasyz etedi. Budan basqa 2024 jyly qosymsha 100 zamanaýı avtobýs satyp alý josparlanǵan. Bul óńirdiń kólik ınfraqurylymyn jetildirýge jáne keńeıtýge yqpal jasaıdy, – dedi kólikter tanystyrylymynda Mańǵystaý oblysynyń ákimi Nurlan Noǵaev.
Jol júrý quny da qoljetimdi. Shamamen 300 teńge men 2 000 teńge aralyǵynda bolady. Mysaly, oblys ortalyǵy Aqtaý qalasynan 70 shaqyrym jerde ornalasqan Quryq aýylyna deıingi jol júrý quny bir adamǵa – 300 teńgeni, al taksı quny bir adamǵa ortasha eseppen 1 300 teńgeni quraıdy.
Mańǵystaý oblysy
