Sýrette: medısınalyq jańa qurylǵy synaqtan ótip jatyr
Dáriger-hırýrg Asqar Turarbekov jáne Abylaı Altaıuly ót-tas aýrýymen, dálirek aıtsaq, sozylmaly kalkýlezdi holesıstıtpen aýrýhanaǵa túsken naýqasqa laparoskopııalyq holesıstektomııa otasyn sátti jasap shyqty. Operasııa jańa qurylǵy – Mindray 4k beıne endoskopııalyq júıesi arqyly oryndaldy.
Hırýrg Asqar Turarbekov atalǵan apparatqa joǵary baǵasyn berip otyr. Sebebi, bul qurylǵy naýqastyń aýrýǵa shaldyqqan dene múshesin aıqyn kórsetip, otanyń sátti ótýine yqpal etken. Dárigerler ota kezinde tipti kózderiniń aýyrmaǵanyn alǵa tartty.
Medısınalyq mekemeniń dırektory Aıman Rakıshevanyń sózinshe, apparatty synaqtan ótkizý – durys tańdaý jasalǵannyń naqty dáleli bolsa kerek. Sondaı-aq ol endoskopııany eshqandaı aýyrsynýsyz ári qaýipsiz túrde jasaýǵa múmkindik ashylǵanyn atap ótti.
О́z kezeginde hırýrg Abylaı Sákenov qurylǵynyń negizgi fýnksııalary sensorlyq ekran arqyly júretinin túsindirdi. Monıtornaýqastyń dertke shaldyqqan jerin dál tabýǵa kómektesken.
Qonaev qalasynyń dárigerleri úshin bul jabdyq – laparoskopııaǵa arnalǵan taptyrmas qurylǵy sanalady.
Mamandar Mindray HD-3-ti jalpy hırýrgııadaǵana emes, sonymen qatar keýde hırýrgııasy, ýrologııa, gınekologııa, ortopedııa jáne basqa salalarda da qoldanýǵa bolatyndyǵyn aıtady.
Almaty oblysy.
