Kollajdy jasaǵan – Záýresh SMAǴUL ,«EQ»
Atalǵan baıqaý Túrikmenstannyń Ashǵabad qalasynda ornatylatyn Abaı eskertkishiniń úzdik jumys jobasyn aıqyndaý maqsatyn kózdeıdi. Dodanyń shyǵarmashylyq talaptaryna kelsek, eskertkishtiń jumys jobasy tulǵany turǵan boıy keıpinde beınelep, kórkemdik deńgeıi, estetıkalyq mánerliligi, ıdeıalyq mazmuny joǵary, kórkemdik tutastyǵy men bitimi erekshe bolýy kerek. Músin alystan kóz tartyp, ornalasatyn jerdegi kórinistiń basym kompozısııasy retinde qabyldanýy da shart. Eskertkish aqynnyń kemel jasyn beınelep, onyń portrettik uqsastyǵyn qamtamasyz etýge tıis.
Grafıkalyq oryndaý ádisteri – makettiń túsi, tehnıkasy, materıaly jáne músinniń eskızi avtordyń óz qalaýy boıynsha oryndalady. Eskertkishtiń materıaly – qola. Eskertkishtiń óziniń bıiktigi – 4,5-5 m, tuǵyrdyń bıiktigi – 2,0-2,5 m.
Aıta keteıik, konkýrs materıaldaryn Monýmenttik óner qurylystaryn ornatý jónindegi komıssııa qaraıdy.
Avtorlar konkýrs materıaldaryn Mádenıet jáne aqparat mınıstrliginiń Mádenıet komıtetine 25 aqpanǵa deıin usynýy kerek.
Músinshiler baıqaýy týraly tolyq aqparatty Mádenıet jáne aqparat mınıstrliginiń saıtynan oqýǵa bolady.
