«Sizder jumysqa selqos qaramasańyzdar, jańa jylda 180 otbasy baspanaly bolar edi. Bekitilgen merzimnen 2 aıǵa keshigip jatyrsyzdar. Qurylys bólimi olqylyqtardyń ornyn toltyrý baǵytynda 5 hat joldaǵan, endi kompanııany jaýapsyz dep taný úshin sotqa berdi. Eń bastysy, sizder túsinýlerińiz kerek, úı kezeginde turǵandar páter kiltin asyǵa kútip otyr. Onyń ishinde kópbalaly otbasylar, múgedekter jáne basqa da áleýmettik osal toptaǵy jandar bar», degen Nurlan Qumataev «SHEBERBUILD» JShS-in synǵa aldy.
Úı qurylysynan bólek, aýlalardy abattandyrý da bastalmaǵan. Shahar basshysy merdiger kompanııamen birge tapsyrys berýshi turǵyn úı kommýnaldyq sharýashylyq pen qurylys bólimi de jaýapqa tartylatynyn alǵa tartty.
«Sondaı-aq ol, «SHEBERBUILD» JShS Qonaevta qurylysy júrip jatqan basqa nysandarda merdiger ekenin atap ótti. Olardyń da jumysy merziminen kesh qalǵan. Sondyqtan ákimdik kompanııany jaýapsyz dep taný úshin sotqa júginbek», deıdi Qonaev qalasy ákimdiginiń ókilderi.
