Foto: instagram_shavkatrahkmonov9
H MMA TIME jartylaı orta salmaqtaǵy UFC belbeýine talasýǵa amerıkalyq Belal Muhammadtyń múmkindigi joǵary dep baǵalady. Sáıkesinshe qazirgi tıtýl ıesi Leon Edvards óz ataǵyn Belal Muhammadpen jekpe-jekte qorǵaýy múmkin. Kópshilik osy salmaqtaǵy tıtýl taǵdyry UFC 300 týrnırinde sheshilýi múmkin ekenine senim bildiredi. H MMA TIME pikirinshe, Shavkat Rahmonov ekeýiniń arasynda jeńimpaz atanǵan sportshymen jekpe-jek ótkizýge laıyq.
Al jartylaı orta salmaqta reıtıngte atalǵan eki faıterden keıin turǵan otandasymyz belbeýge kúresý úshin taǵy bir aralyq jekpe-jek ótkizýine týra kelýi ábden múmkin.
«Belal chempıondyq ataqqa ıe bolý múmkindigine ábden laıyq, al Shavkat odan keıingi kezekte tur. Chempıondyqqa talasý úshin Shavkat taǵy da jeńiske jetýi kerek. Odan reıtıngte joǵary turǵan Belal Muhammad pen Kamarý Ýsman onymen judyryqtasýdy qalamaıdy. Biraq ol Kolbı Kovıngtondy tańdaı alady. Kolbı da Shavkatpen alańǵa shyǵýdy qalamaıtyn shyǵar», dep jazdy aqparattyq resýrs.
