Foto: KazAvtoJol baspasóz qyzmeti
Bul týraly búgin, 13 aqpanda «QazAvtoJol» kompanııasynyń baspasóz qyzmeti habarlady.
«2024 jyldyń 10 aqpanynda saǵat 14:00 shamasynda Samara-Shymkent tas jolynyń 1285-shaqyrymynda jantúrshigerlik oqıǵa boldy. Oqıǵa saldarynan (turǵan kólikpen soqtyǵys) Qyzylorda QB bas mamany «QazAvtoJol» UK» AQ oblystyq fılıaly Sydyqov Saqtapbergen Baqytjanuly óziniń tikeleı mindetin atqarý kezinde qaıtys boldy», dep habarlady kompanııanyń baspasóz qyzmeti.
Samara-Shymkent tas jolynyń Aral aýdany Sazdy aýyly ýchaskesinde qozǵalys qaıta jandanǵannan keıin Toyota Alphard kóligi kompanııa qyzmetkeri turǵan jerde toqtaǵan kólikpen soqtyǵysqan.
«Soqtyǵys saldarynan ol oqıǵa ornynda kóz jumdy. Marqum Qyzylorda oblystyq fılıalynyń bas mamany bolyp, kompanııada alty jyldan astam jumys istep, ózin adal, kásibı qyzmetker retinde kórsetti. Saqtapbergen Sydyqovtyń artynda tórt balasy men jubaıy qaldy», dep qosty kompanııa.
Ulttyq kompanııa marqumnyń otbasyna qarjylaı kómek kórsetiletinin málimdedi.
