Foto: icehockey.kz
Vladıvostoktaǵy «Fetısov Arenada» «Admıralǵa» qarsy ótken alǵashqy matchtyń ekinshi kezeńde astanalyqtar alǵa shyqty. Biraq bul basymdyqty biz saqtap qala almadyq. Sońǵy kezeńde qarsylastarymyz jeńisti ýysymyzdan julyp áketti – 4:2. Osylaısha, «Barys» qatarynan 11 márte jeńildi. Kelesi kúni qos aýtsaıder qaıta kúsh synasty. Alǵashqy eki kezeńde jerlesterimiz jaqsy oıyn órnegin kórsetti. 14-mınýtta Evgenıı Rymarev jáne 19-mınýtta Entonı Kamara qyraǵylyq tanytyp, eki shaıbany qaqpaǵa toǵytty – 0:2. Úzilisten keıin Rymarev dýbl avtory atandy – 0:3. Úshinshi kezeńde jergilikti oıynshylar eki ret nysanany dál kózdedi – 2:3. Biraq odan árige «Admıraldyń» áli jetpedi. Bul esep básekeniń sońyna deıin saqtaldy.
Sóıtip, qatarynan 11 kezdesýde jeńilisten bas kótermegen «Barystyń» bul joly baǵy jandy. Alaıda bul jeńis jarys kestesine aıtarlyqtaı áser ete qoıǵan joq. Elordalyq klýb – áli de KHL-dyń turaqty birinshiliginiń jarys kestesinde sońǵy úsh oryndy qanaǵat tutqan komandalardyń qatarynda. Kelesi matchyn «Barys» 16 aqpanda túzde Habarovskiniń «Amýryna» qarsy ótkizedi.
