Shymkent qalasyndaǵy avıasııa bazasynyń ushý-qoný jolaǵynda Qorǵanys mınıstri «Ońtústik» óńirlik qolbasshylyǵy áskerleriniń qolbasshysy general-maıor Qýanyshbek Úshtaevtyń quramalar men áskerı bólimderdiń jaýyngerlik jáne jumyldyrý daıyndyǵy týraly baıandamasyn qabyldady.
Shymkentte Qorǵanys mınıstri general-polkovnık Rýslan Jaqsylyqovtyń qala ákimi Ǵabıt Syzdyqbekovpen kezdesýi ótti. Eki jaq áskerı ınfraqurylym nysandaryn salý, olardy jóndeý jáne paıdalaný salasyndaǵy yntymaqtastyq máselelerin talqylady.
Shymkent garnızonynyń 36814 áskerı bóliminde general-polkovnık Rýslan Jaqsylyqov komandırdiń bólimshelerdiń maqsattary, jaýyngerlik múmkindikteri men jasaqtalýy týraly baıandamasyn tyńdady. Qorǵanys mınıstri jaýyngerlik daıarlyqtyń sapasyn arttyrýyna, bólimniń qarý-jaraqpen jáne áskerı tehnıkamen jaraqtandyrylýyna basa nazar aýdardy. Bunyń bári áskerı qyzmetshilerdiń moraldyq-jaýyngerlik rýhyna baılanysty ekenin atap ótti.
Budan bólek qorǵanys vedomstvosynyń basshysy áskerı bólimderde áskerılerge jasalǵan turǵyn úı-turmystyq jaǵdaımen tanysyp, kazarmalardy, ashanalardy jáne áleýmettik-mádenı nysandardy aralady.
Shymkent qalasyndaǵy Áýe qorǵanysy kúshteriniń avıabazasynda general-polkovnık Rýslan Jaqsylyqov ushý ekıpajyna pılotaj jáne avıasııalyq zaqymdaý quraldaryn qoldaný mindetterin pysyqtaýǵa múmkindik beretin bólimniń ınfraqurylymyn, avıakompanııalardy qarady.
Jumys saparynyń sońynda Qorǵanys mınıstri jaýyngerlik daıarlyqtyń sapasyn arttyrý, áskerlerdiń jaýyngerlik ázirligi jáne áskerı ınfraqurylym obektilerin jaılastyrý jóninde birqatar tapsyrma berdi.
