Foto: BQO PD baspasóz qyzmeti
«2023 jyly qyrkúıek aıynda «102» operatoryna jergilikti turǵyn habarlasyp, seıften mıllıondaǵan dollar urlanǵanyn habarlady. Oqıǵa ornyna dereý jedel-tergeý toby jiberildi. Anyqtalǵandaı, belgisiz bireý Oral qalasyndaǵy turǵylyqty úılerdiń birine terezesin syndyrý arqyly kirip, seıften 10 myń dollar jáne 3 mln 700 myń teńge (shamamen 8 mln teńge kólemindegi somma) aqshalaı qarajatyn qupııa túrde urlap ketken», delingen habarlamada.
Rýslan Dýskalıev oqıǵa ornyn, qylmyskerdiń kelip-ketý jolyn jan-jaqty tekserip, nátıjesinde ury kirgen terezeden qoldyń izderin tabady.
Sonymen qosa, habarlamada: «Izderdi jedel tekserý barysynda krımınalıstıkalyq esep bazasy boıynsha kúdikti 33 jastaǵy oblys ortalyǵynyń turǵyny ekeni anyqtaldy. Júrgizilgen jedel-izdestirý is-sharalary nátıjesinde táýlikke jetpeıtin ýaqyt ishinde qylmysker ustaldy. Kúdikti urlanǵan aqshany túgel jumsap úlgermegen, ol tárkilenip, zańdy ıesine qaıtaryldy. Oral qalasy qylmystyq sotynyń sheshimimen kúdikti sottalyp, bes jylǵa bas bostandyǵynan aıyryldy. Úkim zańdy kúshine jýyrda enedi», delingen.
