Osy máselege oraı, О́ńirlik kommýnıkasııalar qyzmetinde ótken brıfıngte Almaty qalalyq sanıtarlyq-epıdemıologııalyq baqylaý departamentiniń basshysy, qalanyń bas memlekettik sanıtarlyq dárigeri Qasymhan Alpysbaıuly keıingi 7 kúnde aýrý juqtyrǵandar sany 1,5%-ǵa óskenin, 42 turǵynnan koronavırýs tabylǵanyn málimdedi. Onyń aldyndaǵy aptada zerthana 29 adamda vırýs bar ekenin rastaǵan edi. Sondyqtan epıdemıologterge ınfeksııanyń aldyn alýda vaksınalaýdyń mańyzyn qaıta eske salýǵa týra keledi.
«Koronavırýs indetiniń aldyn alý úshin maska taǵyp, jurt kóp jınalatyn jerlerge barýdan, qashyqtyq saqtap, qyzýy joǵary naýqastardan abaı bolý kerek. Keseldiń aldyn alý úshin úı-jaıdy únemi jeldetip, tazalyq saqtap, jeke gıgıena erejelerin saqtaǵan jón», deıdi qalanyń bas sanıtarlyq dárigeri.
Departament málimetterine súıensek, jyl basynan beri tirkelgen 217 jaǵdaıdyń ishinde aýrýhanaǵa ózdiginen kelip qaralǵan – 190, profılaktıkalyq maqsatta tekserilgen – 17, epıdemıologııalyq kórsetkishter boıynsha 10 adamnyń koronavırýs juqtyrǵany aıan boldy.
Jyl basynan beri Covid-19 ınfeksııasyn juqtyrǵandardyń jas ereksheligine toqtalatyn bolsaq, bir jasqa deıingi balalar – 21, 14 jasqa deıingilerde – 30, 15-19 jastaǵy jasóspirimder arasynda – 8, 20-39 jas aralyǵyndaǵylardan – 76, 40-59 jas aralyǵyndaǵy adamdardan – 34, 60 jas jáne odan joǵary jastaǵylar arasynda 69 jaǵdaı tirkeldi.
Taǵy bir toqtala ketetin másele – qyzylsha epıdemııasy. Qasymhan Alpysbaıulynyń aıtýynsha, Almaty qalasynda 2023 jyldyń naýryz aıynan beri zerthana rastaǵan 5 563 jaǵdaı tirkeldi. Onyń ishinde 14 jasqa deıingi balalar arasynda 4 011 (72,1%), 15 jastan 18 jasqa deıingi jasóspirimder arasynda – 217 (3,9%) jáne eresekter arasynda 1 335 (23,9%) adam qyzylsha juqtyrǵany belgili boldy.
Ásirese balalar arasynda qyzylshanyń órshýine birinshi kezekte ekpeden bas tartý sebep bolyp otyr. Buǵan qosa vaksınalaýdan medısınalyq bosatylǵandar men egý jasyna jetpegendikten ekpe saldyrmaǵandar arasynda da qyzylsha juqtyrý kóp tirkelip jatyr.
О́z kezeginde sanıtarlyq-epıdemıologııalyq qyzmet mamandary qol qýsyryp, qarap otyrǵan joq. Qalada qyzylshaǵa, parotıt qyzamyǵyna qarsy halyqty qosymsha jappaı ımmýndaý jumysy jalǵasyp jatyr. Máselen, 2023 jylǵy 6 qarasha men 2024 jylǵy 14 aqpan aralyǵynda Almatyda qyzylshaǵa qarsy QJI sheńberinde barlyǵy 156 794 adamǵa ekpe jasalsa, onyń ishinde 6 aıdan bastap 10 aı 29 kúnge deıingi 12 201 bala, 2 jastan 4 jasqa deıingi 77 807 bala, 8 676 medısına qyzmetkeri men buryn qyzylshaǵa qarsy josparly ekpe almaǵan 58 110 bala qaıta vaksınalaýdan ótti.
Balalardy josparly túrde ekpe salý turǵylyqty jeri boıynsha qalanyń emhanalarynda tegin júrgiziledi. Vaksınalaý úshin DDU sertıfıkattaǵan jáne Qazaqstanda tirkelgen, qyzylshaǵa, qyzamyqqa, epıdemııalyq parotıtke qarsy aralas vaksına qoldanylady.
ALMATY
