Foto: Arnaıy kásiptik kolledj. Facebook
Bul kolledj elimizde múmkindigi shekteýli balalarǵa arnalǵan ońaltý jáne bilim berý qyzmetterin usynatyn jalǵyz kolledj.
Teskeris nátıjesinde kolledj basshylyǵy uzaq ýaqyt boıy zańnama talaptaryn buza otyryp, erekshe stýdentterdi memlekettik qyzmettermen talapqa saı qamtamasyz etpegeni belgili boldy.
Kolledjde sabaq beretin muǵalimder biliktilik deńgeıine saı kelmegen jáne mekemede sanıtarlyq jáne órtke qarsy normalar saqtalmaǵan.
Sondaı-aq kolledj ujymy stýdentterge merzimi ótken azyq-túlik pen medısınalyq preparattardy qoldanǵan.
«Medısınalyq qarsy kórsetilimderi men shekteýleri bar talapkerlerdi oqýǵa zańsyz qabyldaý faktilerin bile tura, Túrkistan oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshylary tıisti sharalar qabyldamaǵan. Tekserý nátıjesinde zań buzýshylyqtardy joıý jáne bala quqyqtaryn qorǵaý maqsatynda oblys prokýratýrasy 5 prokýrorlyq den qoıý aktisin oblys ákimdigine jáne memlekettik organdardyń aýmaqtyq departamentterine engizdi», delingen prokýratýra habarlamasynda.
