Tabıǵattyń tosyn minezine qarsy tura almaı, qalyń qarda qalǵan adamdardy qutqarýǵa aýyl azamaty Almat Qazybaev óziniń jeke tehnıkasymen kelip, joldy ashyp, úsikke uryndyrmaı aman alyp shyqqanyna saıahatshylar rızashylyǵyn jaýdyrdy.
Qıyn-qystaý shaqta qolushyn berýge daıar turatyn Almat Tastanulyn Raıymbek aýdanynyń ákimi Berik Dúısenbaev Alǵyshatpen marapattady.
«Aýa raıynyń qolaısyzdyǵynan jolda qalǵan saıahatshylardy qar qursaýynan shyǵarý úshin tehnıkasy bar azamattar qajet boldy. «Erdiń erligi syn saǵatta tanylady» demekshi, ózińizdiń jeke tehnıkańyzben qarly burqasynǵa qaramaı, basyńyzdy qaterge tige otyryp, qar qursaýynda qalǵan adamdardy qutqarýǵa jolǵa shyqtyńyz. Sizdiń jaýapkershilikpen atqarǵan jumysyńyzdyń arqasynda 18 adam otbasyna aman-esen oraldy. Bul áreketińizben ózińizdiń naǵyz er azamatqa tán batyldyǵyńyzdy kórsettińiz. Sizge tótenshe jaǵdaı kúni adamdardy aman alyp qalý jolynda kórsetken eren eńbegińiz úshin alǵys bildiremin», dedi aýdan ákimi.
Adamgershiliktiń úlgisin kórsetken aýyl azamatynyń bul batyldyǵy men tabandylyǵy talaıǵa ónege der edik.
Almaty oblysy
