Foto: polisia.kz
«Kókshetaý qalasyndaǵy esirtki qylmysyna qarsy is-qımyl basqarmasynyń qyzmetkerleri tyıym salynǵan zattardy ótkizdi degen kúdikpen Tájikstan Respýblıkasy azamatynyń zańsyz qyzmetin toqtatty.
Sheteldiktiń jumysqa ornalasý maqsatynda Qazaqstan aýmaǵyna kelgeni aldyn ala anyqtaldy. Kúdiktiniń basty maqsaty esirtkini tek Aqmola óńiriniń aýmaǵynda ǵana emes, kórshi oblystarda da taratý bolǵan. Ustaý kezinde jedel qyzmetkerler dılerden salmaǵy 965 gramnan asatyn kirpish túrindegi sellofan paketin taýyp, tárkiledi. Saraptama kórsetkendeı, tárkilengen zat gashısh esirtki quraly bolyp shyqty, al mundaı «kirpishtiń» quny 3 mln teńgeden asady. Atalǵan derek boıynsha qylmystyq is qozǵaldy», delingen aqparatta. Esirtki satýshy ýaqytsha ustaý ızolıatoryna qamaldy.
