«Búgin búkil álem Dúnıejúzilik úkimettik emes uıymdar kúnin atap ótýde. Qazaqstanda úkimettik emes sektor áleýmettik máselelerdi sheshý men azamattyq bastamalardy jandandyrýda memlekettiń senimdi seriktesi bolyp keledi. Memleket basshysy ÚEU rólin erekshe atap kórsetken. О́zderińiz bilesizder, olar halyqtyń ómir súrý sapasyn jaqsartý men azamattyq qoǵamnyń rólin kúsheıtýde mańyzdy ról atqarady. Qazir elimizde ÚEU-dy memlekettik qoldaý tetikteri qalyptasty», dep jazdy Facebook paraqshasynda A.Balaeva.
Mınıstrdiń aıtýynsha, qazir elimizde 23 myńnan astam ÚEU bar, onyń 18 myńy belsendi jumys isteıdi. Qoǵamdyq birlestikter men qoǵamdyq keńester týraly zańnamaǵa túzetýler engizilgen.
«Memlekettiń damýynyń negizgi resýrsy adamı kapıtal, onyń áleýeti men damýy, ıaǵnı áleýmettik kapıtal. Azamattarǵa ınvestısııa sala otyryp, biz árkim áleýmettik mindetterin júzege asyrýǵa óz úlesin qosatyn kúshti jáne damyǵan qoǵam qalyptastyramyz. Qoǵamdaǵy áleýmettik máselelerdi sheshýde úlken ról atqaratyn azamattyq belsendilerdi Halyqaralyq úkimettik emes uıymdar kúnimen quttyqtaý men úshin úlken mártebe! Azamattyq qoǵam jaýapty, berekeli bolsyn! Elimizdegi azamattyq qoǵamdy damytýdaǵy mańyzdy jáne negizgi mindetterdi júzege asyrýda barshańyzǵa sáttilik, shyǵarmashylyq tabys, jáne kásibı belsendilik tileımin!», delingen jazbada.
