Foto: KZgovernment
Úkimet otyrysynda Astana aglomerasııasyn damytýdyń 2024-2028 jyldarǵa arnalǵan keshendi jospary qaraldy. Premer-mınıstrdiń orynbasary – Ulttyq ekonomıka mınıstri Nurlan Baıbazarov sońǵy 10 jylda elorda turǵyndarynyń sany 46%-ǵa artqanyn aıtty. Boljam boıynsha, 2035 jylǵa qaraı Astanada turǵyndarynyń sany 2,3 mln adamǵa jetpek. Aglomerasııany aýmaqtyq damytý sheńberinde biryńǵaı qala qurylysy saıasatyn ázirleý jáne eldi mekenderdiń ákimshilik shekaralaryn belgileý josparlanyp otyr.
«Qosshy qalasynda 1 200 oryndyq mektep, 280 oryndyq balabaqsha jáne 350 tósek-oryndyq kópbeıindi aýrýhana salynady. Elordada ınvestorlardyń óz qarajaty esebinen 900 stýdentke arnalǵan taý-ken tehnıkalyq kolledjin jáne balalardy ońaltý ortalyǵyn salý josparda bar», dedi N.Baıbazarov.
Aýyldyq jerlerde birqatar áleýmettik nysan, sonyń ishinde 9 mádenıet úıi men medısınalyq-sanıtarııalyq alǵashqy kómek ortalyǵy boı kóteredi. Aglomerasııa aıasynda ekoqalashyqtar qurý kózdelip otyr. 940 gektardan asatyn aýmaqta shaǵyn bıznesti júrgizýge arnalǵan úı-jaılary bar turǵyn úıler salynady.
