Oqyrmanǵa túsinikti bolýy úshin 2023 jyldyń 29 jeltoqsanynda Almaty qalasynyń dızaın-kody qabyldanǵanyn, bıyl naýryzda bul qoldanysqa engizilýge tıis ekenin aıta ketken jón. Al kásipkerlerge jańa talaptarǵa beıimdelýge 1,5 jyl ýaqyt berilip otyr. Jańa talaptarǵa beıimdelýi úshin olarǵa bastapqyda sýbsıdııalaý nusqalary qarastyrylyp jatyr.
Al Dızaın-kod týraly zań qalalyq ortadaǵy tómendegideı nysandardy retteıdi: túrli aqparat tasymaldaýyshtardy rásimdeý jáne toltyrý, sondaı-aq aqparat ornalasqan obektilerdi árleýge qoıylatyn talaptar; navıgasııa júıesiniń elementterin ornatý, bezendirý talaptary; kóshe jıhazdaryn, stasıonarlyq emes saýda obektilerin tańdaýǵa, ornalastyrýǵa jáne qala aýmaqtaryn qurylystyń negizgi morfotıpteri boıynsha qatysy joq jikteýge qoıylatyn talaptardyń bazalyq tizbesi; jergilikti tabıǵı-klımattyq jaǵdaı, jasyl keńistikterdiń erekshelikteri men ekologııalyq qajettilikterin eskere otyryp, kógaldandyrýdyń landshaft dızaınyna qoıylatyn talaptar; qasbettik elementterdi bezendirý jáne árleý talaptary; ýaqytsha qorshaý elementterin rásimdeý talaptary.
Bul – «Atameken» óńirlik palatasy janyndaǵy Týrızm jónindegi keńestiń birinshi otyrysy. Týrızm jónindegi keńes quramynda «Qazaqstan týrıstik qaýymdastyǵy» ZTB dırektory Rashıda Shaıkenova, Alpınızm jáne sporttyq alpınızm federasııasynyń vıse-prezıdenti Baǵlan Júnisov, «Týranga Group» JShS basshysy Alekseı Gýjavın, «The Ultimate Visionary Group» JShS kompanııalar tobynyń negizin qalaýshy Dmıtrıı Laktıýshın, «AB Restaurants» meıramhanalar jelisiniń negizin qalaýshy Asqar Baıtasov, «Oblaka» JShS basshysy Sergeı Spısyn, «Chimbulak Development» JShS dırektory Rınat Ábdirahmanov, «Sky Way LTD» JShS basshysy Ásem Qozbaǵarova, «Global Air» bas dırektory – «American Express» Gúlden Ospanova, «Davaı shodım» medıa-holdınginiń negizin qalaýshy Álisher Toıǵýlıev, Almaty qalasy máslıhatynyń depýtaty Nazerke Mundahanova syndy isker adamdar bar.
Jıyndy júrgizip otyrǵan Almaty qalasy kásipkerler palatasynyń tóraǵasy Nursultan Shoqanov: «Týrızm salasynyń aldynda turǵan naqty mindet – óńirdiń týrıstik áleýetin ilgeriletip, týrıster tartý, qonaqtardyń demalysy men serýenine qolaıly jaǵdaı týǵyzý, ınfraqurylym men qyzmetterdi jaqsartyp, qaýipsizdik pen jaılylyq deńgeıin arttyrý», deıdi.
Osy maqsattardy iske asyrý úshin Týrızm keńesi jumysyn ózgerte otyryp, qoǵamdyq bastamalarmen ǵana shektelip qalmaı, iskerlik áreketterge kóshpek.
«Jumysyn qaıta qolǵa alyp otyrǵan keńestiń uıymdastyrýshylaryna alǵys aıtamyn. Kózdegenimiz bir, oıymyz ortaq: qalamyzdy kórkeıtý, týrızmdi damytý», dedi TOO «The Ultimate Visionary Group» kompanııalar tobynyń negizin qalaýshy Dmıtrıı Laktıýshın.
Týrızmdi damytý baǵytynda Almatynyń arhıtektýralyq kelbeti, kóshedegi jazýlar men jarnamalardyń mazmunyn retteý úlken mańyzǵa ıe. Týrızm keńesi sheńberinde ótken semınar bıznes tájirıbesin, suranystardy, negizgi problemalar men múmkindikterdi taldaýǵa baǵyttalǵan.
«Jobalyq semınar barysynda barlyq sheshim men usynysty birge jınaqtaımyz. Mundaı jobalyq semınarlar bıznes tájirıbesin, suranystardy, negizgi túıtkilder men múmkindikterdi taldaýdy kózdeıdi», deıdi Dızaın-kod jobasynyń bas sáýletshisi Tahmına Safoeva.
ALMATY
