Infraqurylym qarqyndy damýǵa tıis

Úkimet basshysy «Inter­na­sıonalnyı» turǵyn alabyn­da­ǵy qýaty táýligine 105 myń m³ bo­latyn №3 jańa sorǵy-súz­gi stan­sasynyń jumysymen ta­nysty. Onyń iske qosylýy elor­­danyń aýyzsý qajettiligin to­lyǵymen jabýǵa múmkindik berdi.

«О́tken jyly sýmen qam­tamasyz etýde problemalar boldy. Memleket basshysynyń tapsyrmasymen tıisti sharalar qabyldanyp, 2027 jylǵa deıin qajetti qýat qory qalyptastyryldy. Injenerlik ınfraqurylym udaıy ozyq qarqynmen damýǵa tıis. Prob­lemalarǵa jol berilmeýi kerek», dedi Oljas Bektenov.

Oǵan qosa Qanysh Sátbaev atyndaǵy kanaldan jáne qýaty táýligine 210 myń m³ bolatyn №4 sorǵy-súzgi stansasynan uzyndyǵy 200 km sý qubyryn salý jobalaryn ázirleý bastaldy. Bul elordanyń 2035 jylǵa deıingi qajettilikterin óteıdi.

Sonymen qatar Premer-mınıstrge Astananyń basqa da tirshilikti qamtamasyz etý júıeleriniń damýy týraly baıandaldy. Úkimettiń qoldaýymen birqatar jańa nysan qurylysy aıaqtaldy. Búgingi tańda 3-shi JEO-nyń birinshi kezegi, sondaı-aq qýaty saǵatyna 1 100 Gkal bolatyn «Turan» jáne «Ońtústik-Shyǵys» eki gaz jylý stansasy iske qosylyp, qalanyń jylý berý qýaty 30%-ǵa ulǵaıdy.

Astananyń energııa kózderiniń jalpy qýaty saǵatyna 3,7 myń Gkal-dan asady. Qazirgi jylý berý maýsymynda qalanyń eń joǵary tutyný deńgeıi shamamen saǵatyna 3 myń Gkal-dy qurady. Osylaısha, profısıt saǵatyna 700 Gkal-ǵa jetip otyr, bul qalanyń qajettilikterin 2027 jylǵa deıin qamtamasyz etýge múmkindik beredi.

Bul rette 2024 jyly «Turan» gaz jylý stansasynyń ekinshi kezegin, «Telman» stansasynyń birinshi kezeńin jáne 3-shi JEO-nyń kómir bóligin tolyǵymen aıaqtaý, 2-shi JEO-ny keńeıtý jobasyn bastaý jáne «Ońtústik-Batys» stansasyn jobalaýǵa kirisý josparlanyp otyr. Osy jobalardyń barlyǵyn iske asyrý 2035 jylǵa deıin qajetti jylý qoryn tolyq qamtamasyz etýge múmkindik beredi.

Sondaı-aq elordany gazben qamtý jumystary jalǵasyp jatyr. Búgingi tańda 13 turǵyn úı alabynda 12,5 myńnan astam abonent kógildir otynǵa qol jetkiz­di. Qazirgi ýaqytta qýattyly­ǵy 460 myń m³/saǵ bolatyn eki avtomattandyrylǵan gaz taratý stansasy jumys isteıdi. Bul rette, jańa energııa kózderiniń iske qosylýyn jáne tutynýdyń ósýin eskere otyryp, bıyl qýaty 350 myń m³/saǵ jańa AGRS-3 qurylysyn bastaý josparlanyp otyr. Jobany aıaqtaý merzimi 2025 jylǵa deıin.

Sonymen qatar Úkimet basshysyna elordanyń elektrmen jáne sýmen jabdyqtaý júıelerin nyǵaıtý jumystary, avtojoldardy kúrdeli jóndeý jáne kárizdik júıelerdi jańǵyrtý josparlary týraly aqparat berildi.

Oljas Bektenov Tóle bı kóshesindegi 2 myń orynǵa ar­nal­ǵan jaıly mektep qurylysy­nyń barysymen tanysty. Atalǵan nysannyń ashylýy osy jyldyń tamyz aıyna josparlanǵan.

Memleket basshysy Qasym-Jomart Toqaevtyń tapsyrmasymen  «Jaıly mektep» ulttyq jobasy júzege asyrylyp keledi. Respýblıkada 2024-2025 jyldary 740 myń oqýshyǵa arnalǵan 369 jaıly mektepti, onyń ishinde bıyl 217 mektepti iske qosý josparlanyp otyr. Olardyń qurylysy biryńǵaı standartpen júrgiziledi. Bul rette aýyldyq jerlerde 163 mektep salynady.

Oljas Bektenov bul jumys­tarda otandyq óndiristiń qury­lys materıaldary men jıhazdaryn belsendi paıdalanýdyń mańyz­dylyǵyn atap ótti.

Sondaı-aq Premer-mınıstr ShYU jelisi boıynsha jáne Dúnıejúzilik kóshpeliler oıyn­dary aıasynda ótetin is-shara­lar kezinde paıdalanylatyn Táýelsizdik saraıy men «Qazanat» ıppodromynyń aýmaǵyndaǵy jóndeý jumystarynyń barysyn tekserdi.