- Qurmetti otandastar!
Sizderdi Alǵys aıtý kúnimen quttyqtaımyn!
Bul – bereke-birligimizdi bekemdeı túsetin mereke. Osy kúni elimizdiń azamattary bir-birine erekshe iltıpat kórsetip, rızashylyǵyn bildiredi. Sondaı-aq tatýlyq, yntymaq, dostyq syndy qasterli qundylyqtar jan-jaqty dáripteledi. Munyń bári ultty uıystyrýdyń utymdy joly ekeni sózsiz.
Halqymyzdyń ýaqyt synynan ótken janashyrlyq, qamqorlyq, meıirimdilik sııaqty asyl qasıetteri, ásirese qıyn-qystaý kezderde aıqyn kórinedi.
Búginde memleketimizde aýqymdy ózgerister bolyp, Ádiletti Qazaqstandy qurý jolynda naqty qadamdar jasalyp jatyr. Osyndaı syndarly sátte eldik múddeni bárinen bıik qoıyp, yrys-yntymaǵymyzdy saqtaý óte mańyzdy.
Biz ozyq oıly ult retinde kózdegen barlyq bıik maqsattarǵa qol jetkizetinimizge kámil senemin.
Osy oraıda tynymsyz ter tógip, Qazaqstandy kórkeıtýge óz úlesin qosyp júrgen azamattarǵa alǵys aıtamyn.
Barshańyzǵa baq-bereke jáne mol ıgilik tileımin!
Elimiz aman, jurtymyz tynysh bolsyn! - delingen quttyqtaýda.
