Qazaqstan • 01 Naýryz, 2024

Otandyq ǵylymdy damytý máseleleri talqylandy

140 ret

kórsetildi

1 mın

oqý úshin

Senattyń Áleýmettik-mádenı damý jáne ǵylym komıtetiniń depýtattary otandyq ǵylymdy damytý máselelerin Astana IT University basshylyǵymen birge talqylady. Sondaı-aq senatorlar atalǵan JOO-nyń professor-oqytýshylar quramymen kezdesip, ǵylymı-tehnıkalyq jetistikterimen tanysty jáne zamanaýı ǵylymı zerthanalarda boldy, dep habarlaıdy Egemen.kz.

Shyńǵys MUQAEV

Otandyq ǵylymdy damytý máseleleri talqylandy

Foto: Senattyń baspasóz qyzmeti

Kezdesýge qatysýshylar Qazaqstan jáne kúlli álem qoǵamdastyǵy ǵylymynyń damýyna Qanysh Sátbaevtyń qosqan úlesin talqylady. Sonymen qatar ǵalymnyń eńbekteri men sóılegen sózderinde qalyptasqan ıdeıalardyń jáne ustanymdardyń qazirgi ǵylym, bilim, mádenıet salalaryndaǵy mán-mańyzy qaraldy.

Ýnıversıtet rektorynyń mindetin atqarýshy Serik О́mirbaev senatorlarǵa akademık Qanysh Sátbaevtyń ǵylymdy damytýdaǵy iri uıymdastyrýshy retindegi tarıhı rólin áńgimelep berdi.

Kezdesý barysynda jalpy qarjylandyrýy 3 mlrd teńgeden astam 53 ǵylymı jobany atalǵan joǵary oqý orny iske asyryp jatqany aıtylyp, Scopus-ta 250-ge jýyq maqalanyń jarııa etilgeni, 24 avtorlyq kýálik alynyp, 3 ǵylymı jáne ǵylymı-tehnıkalyq qyzmettiń nátıjesi tirkelgeni týraly aıtyldy.

Jıynda ǵalymdar, doktoranttar, magıstranttar baıandamalar jasady. Kezdesý Memleket basshysynyń byltyrǵy Joldaýyn iske asyrý sheńberinde «Otandyq ǵylymdy damytý jáne ǵylymı-tehnıkalyq progress» taqyrybyndaǵy dóńgelek ústelge daıyndyq aıasynda ótti.