foto: uzlidep.uz
Semınar-trenıngke qatysýshylar aldynda HKU Ortalyq Azııa boıynsha mıssııasynyń Sýbóńirlik úılestirýshisi Zeınal Gadjıev myrza, QR Prezıdenti janyndaǵy Adam quqyqtary jónindegi komıssııa tóraǵasynyń orynbasary Tastemir Ábishev, QR Prezıdenti janyndaǵy Memlekettik basqarý akademııasynyń Shymkent qalasy boıynsha fılıalynyń dırektory Ádilet Nysanbev, QR Eńbek jáne halyqty áleýmettik qorǵaý mınıstrligi Kóshi-qon komıteti tóraǵasynyń orynbasary Erbolat Ábilhatın quttyqtaý sóz sóıledi.
Sonymen qatar HKU-nyń Ortalyq Azııadaǵy mıssııasynyń basshysy Zeınal Gadjıev myrza óz sózinde mıgranttardyń, onyń ishinde Aýǵanstannan kelgen mıgranttardyń qazaq qoǵamyna áleýmettik ıntegrasııalanýynyń asa mańyzdy ekenin atap ótti.
Komıssııa tóraǵasynyń orynbasary Tastemir Ábishev óz sózinde adam quqyqtaryn, sonyń ishinde Qazaqstandaǵy mıgranttardyń quqyqtaryn onyń halyqaralyq mindettemeleri turǵysynan saqtaý máseleleriniń ózektiligin, sondaı-aq quqyq qorǵaý tetikterin jetildirýde jáne barlyq azamattardyń áleýmettik-ekonomıkalyq, eńbek, azamattyq jáne mádenı quqyqtaryn nyǵaıtýda Memleket basshysynyń Joldaýlary men baǵdarlamalyq maqalalaryn esepke alýdyń mańyzdylyǵyn atap ótti.
Budan ári Komıssııa tóraǵasynyń orynbasary jergilikti atqarýshy jáne quqyq qorǵaý organdarynyń qyzmetinde eńbekshi-mıgranttardyń quqyqtaryn qorǵaý máselelerin ózektendirý, eńbekshi-mıgranttardyń quqyqtaryn qorǵaýda azamattyq qoǵam ınstıtýttarynyń áleýetin tolyq paıdalaný, halyqty, onyń ishinde mıgranttardy quqyqtyq aǵartýdyń róline erekshe nazar aýdarý qajettigin aıtty.
Sondaı-aq Komıssııa tóraǵasynyń orynbasary Qazaqstan Prezıdenti Q.Toqaev zańnyń ústemdigine jáne qoǵamda quqyqtyq mádenıetti ornatýǵa, Qazaqstan Respýblıkasynyń halyqaralyq mindettemeleri aıasynda árkimniń konstıtýsııalyq quqyqtaryn saqtaýǵa erekshe mán beretinin atap ótti.
