Foto: katonkaragai.semi/instagram.com
Mamandar saıabaqtaǵy foto tuzaqtardyń ártúrli aýmaqtarda ornatylǵanyn atap ótti. Manýl sońǵy ret jasyryn kameraǵa 2015 jyly túsken edi.
«Bul Archatınsk orman sharýashylyǵynda túsirilgen alǵashqy kadrlar. Ádette kameraǵa sileýsin men qar barystary túsip qalatyn. Jyrtqysh mysyqtar buǵan deıin foto tuzaqqa ilinbegen edi», dep jazdy Katonqaraǵaı memlekettik ulttyq tabıǵı parkiniń baspasóz qyzmeti.
Aıta ketý kerek, sabanshy jabaıy mysyǵy (manýl) kózge kóp kórinbegendikten jáne popýlıasııasynyń tómen tyǵyzdyǵyna baılanysty nashar zerttelgen.
Syrtqy túri men ólshemi boıynsha sabanshy mysyǵy úı mysyǵyna uqsaıdy. Dese de onyń óz erekshelikteri bar. Onyń júni uzyn ári qalyń keledi, tabandary men dene bitimi úı mysyǵynan erekshelenedi.
Bul janýarlar úshin úı jaǵdaılary qolaısyz, sol sebepti olar qolǵa úıretilmeıdi.
Sabanshy mysyǵy barlyq jerde sırek kezdesedi, onyń sany azaıyp barady. Al keıbir jerlerde onyń joıylý qaýpi bar. Bul mysyq túrin aýlaýǵa barlyq elde tyıym salynǵan.
