Foto: Maksım Zolotýhın
Sáýletshi Janna Spýnerdiń aıtýynsha, jer silkinisi kezinde ǵımarattardyń tómengi qabattarynda terbelis amplıtýdasy az bolady. Al ústińgi qabattarda diril kúshi kúshtirek seziledi. Degenmen, qurylystyń seısmıkalyq tózimdiligi ǵımarattyń bıiktigine baılanysty emes.
«Keńes ókimeti kezinde men 16-qabatta turdym. Sol kezde talaı jer silkinisin bastan ótkerdim. Men munyń bári qalaı bolatynyn bilemin. Adamdar qorqady, óıtkeni olarǵa joǵaryda úlken massa bar sııaqty kórinedi. Bizdiń elimizde negizinen barlyq ǵımarattar jeti-toǵyz balǵa eseptelip salynǵan. Sol sebepti, eger siz toǵyz baldyq seısmıkalyq turǵyn úıde tursańyz, jeke úıge qaraǵanda asa qaýipsizdikte bolýyńyz múmkin», dedi sarapshy.
Jeke turǵyn úılerdiń artyqshylyǵy − jer silkinisi kezinde syrtqa tez arada júgirip shyǵýǵa bolady. Degenmen, ol úı qurylys normalaryna sáıkes salynýy qajet.
«Kez kelgen turǵyn úı ǵımaraty qoldanystaǵy kodeksterdiń talaptaryna sáıkes salynbasa, onyń qatty zaqymdanýy, tipti qulaýy múmkin. Sondyqtan jeke turǵyn úı salyp jatqan azamattarǵa keńes bergim keledi: jer silkinisine tózimdi qurylys talaptaryna saı úı salyńyz. Antıseısmıkalyq beldeýler ornatylýy kerek, al araqabyrǵalarda árbir eki metr saıyn temirbetondy qosyndylar bolýy kerek», dep keńes beredi «QazQSǴZI» AQ óndiris jónindegi basqarýshy dırektory Eraly Shoqparov.
Mamandar Almatyda bir qabatty úılerdi aǵash jaqtaýmen salý tıimdi dep esepteıdi. Jeńil qurylym jerdegi terbelis kezinde qulap ketpeıdi. Degenmen, mundaı ǵımarattar da qurylys normalaryna sáıkes salynýy kerek.
Aıta keteıik, 4 naýryz kúni tańerteń Almatyda qýaty 5 ball bolatyndaı jer silkindi. Zilzalanyń oshaǵy Almatydan ońtústikke qaraı 31 shaqyrym jerde ornalasqan.
