Foto: sports.kz
Maıamıde qandasymyz jergilikti faıter Sı Djeı Vergaramen kúsh synasty. 32 jastaǵy amerıkalyq faıter osyǵan deıin 17 márte jekpe-jekke shyǵyp, 12 ret jeńiske jetti. Bul aıqastardyń jeteýin merziminen buryn aqtady. Tórt ret utylyp, taǵy bir básekede teń esep tirkeldi. Kezdesý basynan aıaǵyna deıin bir sarynda ótti. Ara-tura Sı Djeıdiń siltegen soqqylary Asýǵa dál tıgenimen, basymdyq tolyqtaı bizdiń sportshy jaǵynda boldy. Ol jyldam qımyldap, jıi shabýyldady. Soqqylarynyń kóbin dál darytty. Nátıjesinde, sońyna deıin sozylǵan saıysta barlyq tóreshi Almabaevtyń myqtylyǵyn biraýyzdan moıyndady. Esep – 30:27, 30:27, 30:27.
Bul Asýdyń 21 kezdesýdegi 19-jeńisi! Bir keremeti, 2017 jyldan beri qazaqtyń uly 15 ret oktagonǵa shyǵyp, barlyq básekede basymdyq tanytty.
