Foto: Oqý-aǵartý mınıstrligi
Oqý-aǵartý mınıstrligi baspasóz qyzmetiniń málimetinshe oqýshy negizgi ónim retinde – týǵan ólkeniń jýsanyn qoldanǵan.
«Biz úı jaǵdaıynda átir jasaý tásilderin zerttedik. Alǵan bilimderimizdi praktıkada qoldaný barysynda jýsannyń san túrin anyqtadyq. Eger átirdiń negizgi notasy retinde gúlder qoldanylsa, biz onyń ornyna qarapaıym jýsandy tańdadyq. Sebebi onyń tunbasy tábetti jaqsartady, asqazan-ishek joldarynyń qyzmetin nyǵaıtady, júıke júıesin tynyshtandyrady, túrli shanshý men qurysýlardy, aýyrsynýdy basady, tipti tynysh uıqyǵa septigin tıgizedi», deıdi joba jetekshisi, bastaýysh synyp muǵalimi Jupar Ahmetova.
Aıta ketsek, hosh ıisti átir «Elim-aı» dep atalady eken. Jas ónertapqyshtyń aıtýynsha, átirdiń ataýy elimizdiń mádenıetine degen súıispenshilikpen baılanysty. Ol jýyrda ótken ǵylymı jobalar baıqaýynda óz jumysyn qorǵap, «Hımııa, bıologııa» seksııasynda júldeli 3-oryn aldy.
