Foto: wikipedia
(XX-XXI ǵǵ.)
Ǵabıt Músirepov
1) Men qazaqtyń qazaqtyǵyna jeterlik eshteńe bar dep oılamaımyn.
2) Tek irilik qana ańyzǵa aınalady.
3) Qazaq eli – áli dala tabıǵatymen ózin tutas sezinetin el.
4) Oı da tutqyndalady.
5) Sózsheńdik – ýaqyt tragedııasy.
6) Uly aqyndar jábir-japa, qorlyqqa toly qııanat jyldar men zamandarda bir aıqaı salmaı qalǵan emes.
7) Bir adamnyń júzinde eki-úsh túrli sezimniń belgileri bola beredi eken-aý...
8) Adamnyń bet terisi mıy jasalǵan materııadan bolsa kerek. Sondyqtan mıyna (oıyna, sezimine, kóńiline) kelgeni – qolma-qol betke shyǵa keledi.
9) Jaman til – mádenıetsizdiktiń belgisi, elmen baılanys úzilýi.
10) Kóbiktiń kóleńkesindeı ǵana eles beretin oılar bolady.
11) Jalǵyz sham túndi tutas jaryqqa aınaldyra almaıdy.
12) Qazaqtyń qaıǵy-qýanyshynda burqan-tarqandyq joq, baısaldy salmaqtylyq bar. Qaıǵysy uzaqqa sozylady, qýanyshy tez basylady.
13) Qazaqtyń bir oqys minezi: emosııa ústinde kelip qalǵan baılamǵa toqtaıdy.
14) Meniń bilerim: qaı jazýshynyń bolsyn sońǵy sózi aıtylmaı ketedi.
Baýyrjan Momyshuly
1) Ádildikti moıyndaý – adal kisiniń isi.
2) Batyrlyq táýekel men aqyldyń esebinen shyǵýǵa tıis. Táýekel keıde aqyldy da aqtap alady. Al aqylsyz táýekeldi eshteńe de aqtap ala almaıdy.
3) Ylǵı altyn izdeme – shoqtyń bári ot bolmas,
Sulý sózge qul bolma – zerli oı onda kóp bolmas.
4) Aqylgóılik keıde ónegesizdikke tireıdi.
5) Ásire adaldyq jalǵandyqpen para-par.
6) Til tazalyǵy úshin kúres eshqashan tolastamaıtyn máńgilik kúres.
(Erbol Shaımerdenuly qurastyrǵan «Qazaq aforızmderi» kitabynan iriktelip alyndy)
