Foto: Astana qalasy ákimdigi
Úkimet basshysynyń sózinshe damyǵan elder turmystyq qaldyqtardy qaıtadan óńdep, barynsha kádege jaratyp otyr.
«Al, bizde jınalǵan qoqysty jerge kóme salý, taýdaı qylyp úıip qoıý úırenshikti jaǵdaıǵa aınaldy. Bul eldi mekenderdiń kórkin buzýmen qatar, eshqandaı sanıtarııalyq, ekologııalyq normalarǵa saı emes. Sonymen qatar tamaq qaldyqtaryn kádege jaratý men qaıta óńdeý máseleleri de sheshimin tappaı otyr», dep atap ótti ol.
Onyń aıtýynsha, mınıstrlik pen óńirler qaldyqtardy jınaý, qaıta óńdeý jáne kádege jaratý mehanızmin ázirleý jumysyn sozbalańǵa salyp jiberdi.
«Kásiporyndardyń kóbi shıkizatty jınaýmen, ony býyp-túıip, shetelge satýmen ǵana aınalysady. Al, qaldyqtardy qaıta óńdep, túpkilikti ónim shyǵaryp otyrǵandar az. Mysaly, Soltústik Qazaqstan oblysynda «Radýga» kompanııasy polıetılen men qaǵaz qaldyqtaryn qaıta óńdep, halyq tutynatyn ár túrli taýarlar óndiredi. Shymkentte «Evrokrıstall» kompanııasy shynyny qaıta óńdep, ydys-aıaq shyǵarady. Almaty oblysynda «KZ recycling» kompanııasy makýlatýradan qaǵaz ónimderin shyǵarady. Qyzylorda oblysynda árbir aýdan qaldyqtardy qaıta óńdeýge qatysty óz jobalaryn iske asyryp jatyr», dedi Premr-mınıstr.
Atyraý, Aqtóbe, Abaı oblystarynda qaldyqtardy suryptaý jelisin iske qosa almaı keledi.
Úkimet basshysy álemde qoqysty qaıta óńdeý tabysty bıznes ekenin, Qazaqstan da zamana kóshinen qalmaýǵa tıistigin jetkizdi.
