Mınıstr at basyn burǵan eldi mekenniń biri – Qorǵaljyn aýdany. Onda mehanızator, aspaz, dánekerleýshi jáne kompıýterlik-apparattyq qamtamasyz etý operatoryn daıyndaıtyn agrobıznes jáne servıs kolledji bar. Aýdan ortalyǵynda ornalasqan bilim mekemesinde memlekettik tapsyrys boıynsha 100-ge jýyq stýdent oqıdy. Kolledj jumysymen tanysqannan keıin mınıstr oqý ornyn transformasııalaý jáne damytý boıynsha birqatar tapsyrma berdi.
– О́tken jyly bıznesti tikeleı qoldaýdyń nátıjesinde elimizdegi 75 kolledjdiń materıaldyq-tehnıkalyq bazasy jańartyldy. Bul tájirıbe jalǵasady. О́ńir halqy aýyl sharýashylyǵymen aınalysatyny belgili. Sondyqtan dál osy salaǵa suranysqa ıe kadrlardy daıarlaýǵa nazar aýdaryp, jergilikti kásiporyndardy tartý qajet. «Talap» KeAQ basshylyǵy Aqmola oblysynyń bilim basqarmasymen birlesip osy kolledjdi transformasııalaý boıynsha birlesken joba ázirleýi kerek, – dedi mınıstr.
Sonymen qatar sapar barysynda Ǵ.Beısembaev 640-tan astam oqýshy oqıtyn Qorǵaljyn aýdany ortalyǵyndaǵy mektep-gımnazııaǵa bardy. Tekseris nátıjesi boıynsha mektep ishinde barlyq tehnıkalyq qaýipsizdik sharasy saqtalǵan. Ashana, sportzal, sheberhana, logoped jáne psıholog kabıneti de jospardaǵydaı.
Sondaı-aq Oqý-aǵartý mınıstri Astana qalasyndaǵy №59 jáne №92 jalpy bilim beretin mektepterdiń jumysymen de tanysty. Munda pedagogıkalyq qoǵamdastyqpen kezdesip, orta bilim berý, pedagogterdi qaıta daıarlaý jáne biliktiligin arttyrý júıesindegi ózekti máselelerdi talqylady.
