Foto: senate.parlam.kz
Ekinshi Quryltaı da el basshysynyń nusqaýymen qazaq handarynyń astanasy bolǵan qasıetti Túrkistanda ótti. Mundaǵy kóterilgen irgeli máseleler de júzege asa bastaǵanyn kóz kórip, qulaq estip otyr. Jańa Qazaqstannyń erekshe sıpaty bolyp tabylatyn, halyqtyq parlament sanalatyn Ulttyq quryltaı bul joly ejelgi Atyraý óńirinde shaqyryldy. Osyndaǵy kóne Saraıshyq qalasy Qasym hannyń tusynda Qazaq Ordasynyń astanasy bolǵan. Bul Quryltaıda da eldik eleýli máseleler kóterildi.
Quryltaıdyń Atyraýda ótýiniń tarıhı-tanymdyq jaǵynan mańyzy óte zor. О́ıtkeni qazirgi kúrdeli geosaıası jaǵdaıda Qazaqstannyń memlekettiligi, bolashaǵy, keleshegi, kún tártibine qoıylyp jatqan kezde Prezıdenttiń osyndaı qadamǵa barýy tarıhı oqıǵaǵa aınalady.
Sonymen qatar Memleket basshysy óz sózinde bilim men ǵylym máseleriniń mańyzdyǵylyǵyn atap ótti.
El Prezıdenti Quryltaıdyń kezekti otyrysyn Kókshetaýda ótkizýdi usyndy. Onyń da ózindik sebepteri bar. Sebebi Kókshetaý án men jyrdyń ordasy ǵana emes, Abylaı han týyn tikken qasıetti Han Ordasy bolǵan meken. Osy jerden qazaqtyń sońǵy hany Kenesary da táýelsizdik úshin atoılap atqa mingen. El Prezıdentiniń bul sheshimin rızashylyqpen quptaımyz.
Áleýmettik, mádenı máselelerdi sheshýge Quryltaı oń serpin bermek. Bıylǵy jıynda bar basymdyq áleýmettik salaǵa bólindi. Iаǵnı, ekonomıka ártaraptanyp, ózge eldermen alys-beris, barys-kelis qaıta jandana túspek, mádenıet, týrızm salalary qaıta túrlenedi. Sarapshylar sondaı-aq tarıhı sananyń jańǵyrýy men qazaqy qundylyqtardy álemdik brendke aınaldyrý baǵytynda da naqty sheshimder qabyldanatynyna senimdi.
