Foto: balapan.tv
Naýryzkójeni jeti túrli taǵamnan jasaý «qazaqtyń yrys-berekesi tasysyn, dastarhanǵa molshylyq kelsin» degen shynaıy peıilden týǵan desedi.
Kóne dástúr búgin de saqtalǵany qýantady, árıne. Dese de ár óńirdiń naýryzkóje daıyndaý úlgisinde birqatar aıyrmashylyq bar. Oǵan qaramastan Naýryzdy toılap bastaǵan ár adam aldymen naýryzkójeden dám tatýdy maqsat tutady.
Tómende naýryz kójeniń daıarlaný úlgisin usynyp otyrmyz.
Quramy:
- 1 keli et
- Qazy, qarta
- bıdaı - 100 gramm
- kúrish - 100 gramm
- jarma - 100 gramm (perlovka)
- tary - 100 gramm
- tuz
- sý - 3 lıtrm
- aıran - 1 lıtr
Qazanǵa sý quıyp, et, qazy-qartany salyp, qaınatý qajet. Qaınaǵanda sorpanyń kóbigin alýdy umytpaǵan jón. 1,5-2 saǵattaı qaınatyp, etti súzip alý kerek. Endi dánderdi jaqsylap jýyp, birinshi bıdaıdy salyp, 5 mınýt qaınatyp alý qajet. Ekinshi jarmany jáne kúrishti salyp, 5 mınýt qaınaǵan soń, tary salynady. Talǵamǵa qaraı tuzdap alý kerek. Dánder pisip boldy-aý degende ottan túsirip, salqyn jerge qoıǵan abzal. Qazannan túsirilgen etterdi usaqtap týrap, barlyǵyn sorpaǵa aıranmen qosyp aralastyrý qajet.
***
Quramy:
- jylqy eti - 0,5 kg
- qazy - 100 gramm
- qoı eti - 0,5 kg
- sý - 2,5 lıtr
- bıdaı - 100 gramm
- kúrish - 100 gramm
- jarma -100 gramm
- tary - 100 gramm
- tuz;
- aıran - 1 staqan;
- qurt
Etti jýyp, sý quıylǵan qazanǵa salý qajet. Sý bir qaınaǵanda kóbigin alyp, tuzdaımyz. Et piskenshe otyn basyp qoıamyz. Kúrish, bıdaı, jarma taryny qosyp, pisiremiz. Barlyǵy pisken soń aırandy quıyp jaqsylap aralastyryp alamyz.
Asyńyz dámdi bolsyn!
