Foto: olympic.kz
Ejelgi Ellada elinde 19 jastaǵy Aıbota Ertaıqyzynyń asqan sheberligine tánti boldyq. Buǵan deıin de birqatar baıraqty básekede daralanǵan qazaq qyzy bul joly «taspa» men «urshyq» jattyǵýynda altynnan alqa taqsa, «dop» saıysynda qola medaldi qorjynǵa saldy. Dál sol «dop» básekesinde Erıka Jaılaýova jeńimpaz atandy. Tájirıbesi tolysqan Mılana Parfılova da Afınadan qur qol qaıtqan joq. Ol «taspada» kúmispen kúptelse, «urshyqta» qolaǵa qol sozdy. Sondaı-aq myń buralǵan arýlarymyz toptyq týrnırde de úzdikter qataryna qosyldy.
Qazaq eliniń kórkem gımnasshylary úshin endigi úlken synaq – Azııa chempıonaty. Olımpııa oıyndarynyń joldamalary sarapqa salynatyn bul jarys 6-11 maýsym aralyǵynda Tashkentte ótedi.
