«Ramazan – birlik pen bereke aıy» ataýymen ótken rýhanı keshte QMDB tóraǵasy, Bas múftı Naýryzbaı qajy Taǵanuly aýyzashar dastarqanynyń qadirli qonaqtaryn qasıetti aımen quttyqtap, izgi tilegin arnady.
«Ramazan – on eki aıdyń sultany, berekeli de keshirimi mol aı. Kúndelikti tirshilik qamymen júretin pendeniń júregine bul aıda ıman nury quıylady. О́ıtkeni oraza adamdy taqýalyqqa tárbıeleıdi. Sabyrlyq, qaıyrymdylyq, meıirimdilik, baýyrmaldyq sekildi adamdyq asyl qasıetter artyp, ıman kúsheıedi. Ramazan – Allanyń meıirimi tógilip, jumaqtyń esigi aıqara ashylatyn, ımandy kúsheıtýge múmkindik berilgen qasıetti aı.
Oraza – kúndiz tek iship-jeýden ózin shekteý degen sóz emes. Oraza – rýhtyń azyǵy, tánniń shıpasy. Ramazan jan men tándi rýhanı tazartatyn, musylman úshin úlken sabyr mektebi. Aýzy berik jandar ózine dórekilik kórsetken keıbir kisilerge: «Men orazamyn», degen bir aýyz sózben kórkem minezdiń keremet úlgisin kórsetedi. Nápsisine toqtaý salyp, sabyr saqtaıdy. Al sabyr ıesine beriletin syı – jánnat», degen QMDB tóraǵasy osy qasıetti aıda oraza ustaǵandarǵa aýyz ashtyrýdyń da úlken saýapty amal ekenin atap ótti.
О́z kezeginde rýhanı keshtiń qurmetti qonaqtary Bas múftı Naýryzbaı qajy Taǵanulyna alǵys aıtyp, Dinı basqarmanyń rýhanııat salasyndaǵy aýqymdy isterine tilektestigin bildirdi. Kesh sońynda qasıetti Quran aıattary oqylyp, Bas múftı arnaıy duǵa jasady. Sondaı-aq aýyzashar qonaqtaryna Ramazan syılyǵy tabys etildi.
Oraza – qaıyrymdylyq amaldary kóp jasalatyn kezeń. Qudaıdyń saýabyn alam deýshi ımandy azamattar bul sátti qalt jibermeı, qolynda barymen bólisip, izgi is jasaýdy údete túsedi. О́ıtkeni hadıste aıtylǵandaı, Ramazanda jasalǵan nápil amalǵa paryzdyń, paryz amalǵa jetpis paryzdyń saýaby beriledi eken. Osyǵan oraı QMDB «Zeket jáne qaıyrymdylyq» qorynyń uıymdastyrýymen Ramazan aıynyń alǵashqy aptasynda jáne Naýryznama aıasynda respýblıka boıynsha Qaıyrymdylyq kúnine oraı 5055 otbasyna azyq-túlik sebetteri taratyldy.
Sonyń ishinde Astana qalasynda 1250 otbasy qaıyrymdylyq kómek alyp, qýanyshqa keneldi. Sondaı-aq 3 múgedekter úıine, 2 balalar úıine jáne 2 qarttar úıine qaıyrymdylyq kómek kórsetildi. Odan bólek múftııat tarapynan 15000 otbasyna aýyzashar dastarqany jaıyldy. Aıta ketsek, mundaı izgi amaldardyń, ıaǵnı jurtshylyqqa berilip jatqan kómekterdiń jarııa túrde jasalýynyń esh sókettigi joq. Kerisinshe, basqalarǵa úlgi bolýy, el ishinde jappaı taralýy úshin ony kópshilikke kórsetýdiń de paıdasy mol.
