“JOL KARTASY” JÚZEGE ASÝ ÚSTINDE

Premer-Mınıstr Kárim Másimovtiń tóraǵalyǵymen ótken keshegi Úkimettegi selektorlyq keńeste “Jol kartasyn” júzege asyrý jaıy qaraldy. Osy boıynsha jasalynǵan baıandamada atap kórsetilgendeı, qazirgi kúni atalǵan baǵdarlamany oryndaý jónindegi jumystar neǵurlym serpindi sıpatqa ıe bola bastady. Osy baǵdarlama boıynsha ústi­mizdegi jyl úshin 133 mıl­lıard teńge qarjy bólinse, qazir sonyń 41 paıyzy ıgerilip otyr. Jumys ásirese, Batys Qazaqstan oblysy, Astana qalasy, Qosta­naı jáne Mańǵystaý oblys­tarynda jaqsy qarqynmen júrip keledi. Bularda bólingen qarjy­ny ıgerý deńgeıi 45 paıyzdan asqan. Sondaı-aq osy baǵdarlama­nyń aıasynda qazirdiń ózinde 21600 jumys orny ashylǵan. Keı­bir oblystarda jastar táji­rı­besine degen suranystyń ótken jylǵa qaraǵanda arta túskendigi seziledi. Jýyqtaǵy “Nur Otan” par­tııasynyń Parlamenttegi depý­tattyq fraksııasynyń usynys­tary otyrys barysynda nazarǵa alyndy. Osyǵan oraı júrgizile­tin jumystar sarapqa salyndy. Otyrys barysynda Premer-Mınıstr onlaın rejimindegi ınteraktıvti baılanys arqyly barlyq óńirlerdiń basshylary­men baılanysqa shyǵyp, olar­daǵy jaǵdaımen tanysty. Astana jáne Almaty qalalary men oblystar basshylarynyń aıtýy boıynsha “Jol kartasyn” júzege asyrý barlyq oblystarda qyzý qarqyn alǵan. Osy baǵdar­lamaǵa bólingen qarjynyń jyl aıaǵyna deıin tolyq ıgeriletin­digi, josparlanǵan jumystardyń aqyr aıaǵyna deıin jetkiziletin­digi málim boldy. Atalǵan máseleni qorytyn­dyla­ǵan Kárim Másimov mı­nıstr­ler men oblys ákimderiniń aldyna birqatar tapsyrmalar qoıa kelip, baǵdarlamany júzege asyrý barysynda únemdelgen qarjyny aýyldyq jerlerdegi áleýmettik jobalardy iske asyrý­­ǵa baǵyttaý qajettigin aıt­ty. Osyǵan oraı Eńbek jáne halyqty áleýmettik qorǵaý mı­nıstrligine osy másele boıyn­sha tıisti qaýly ázirlep, ony bir aptanyń ishinde Úkimetke engizýdi tapsyrdy. Sonymen qatar Bilim jáne ǵylym mınıstrligine “Jol kartasyn” júzege asyrý aıasynda údemeli ındýstrııalyq-ınno­vasııalyq baǵdarlamaǵa qajetti mamandardy ázirleýge basymdyq berý jóninde tapsyrma berildi. Parlamenttegi depýtattardyń atap kórsetkenindeı, jumyssyz­dar qurylymynda áıelderdiń sany basym bolyp otyr. Osy jaǵdaı eskerile otyryp, qajetti mamandyqtar tizimi qaıta qarastyrylatyn boldy. Úkimet basshysy “Jol karta­sy” aıasyndaǵy qarjy resýrs­taryn tıimdi paıdalaný másele­sin erekshe atap kórsetti. Osy máseleniń oryndalýyn baqylaý­da ustaý Premer-Mınıstrdiń orynbasary Erbol Orynbaevqa júkteldi. Selektorlyq keńeste málim bolǵanyndaı, 2009 jyldyń qo­ry­­tyndysy boıynsha ıgeril­meı qalǵan 60 mıllıard teńge bıýd­jet qarjysynyń ıgerilmeý se­bep­teri anyqtalmaq. Osy úshin arnaıy jumys toby qurylatyn boldy. Onyń aldyna qarjyny ıgermeý­diń sebepterin anyqtaý, osy úshin jaýap beretin tulǵa­lar­dyń kinási­niń deńgeıin anyq­taý jáne olardy jazalaý jónin­de tıisti usynys engizý mindettelmek. Premer-Mınıstr Parla­ment depýtattary tarapynan Parlamentke ratıfıkasııalaý úshin engiziletin halyqaralyq kelisim jobalary sapasynyń tómendigine baılanysty synı eskertpeler aıtylǵandyǵyn nazarǵa ala kele, osy baǵytta jiberilgen árbir qateliktiń kelisimniń mazmunyn burmalaýǵa yqpal etetinin, al munyń ózi Qazaqstan bedeline salqynyn tıgizetindigin atap kórsetti. Osyǵan oraı memlekettik organ­darǵa halyqaralyq sharttardyń qazaq jáne orys tilderindegi mátinderiniń dálme-dáldigin qamtamasyz etý tapsyryldy. Suńǵat ÁLIPBAI.