Sýretti túsirgen – Tileýbek Shaıahmet
Arǵysy – Abaı oblysynyń Kókpekti aýdany, berisi – Samar, Ulan, Katonqaraǵaı aýdandarynan kelgen sóz mergenderiniń surmergenderi anyqtaldy. Qalaı degenmen, toptyń arasynda kerip turyp sadaq atý qanymyzda bar eken. Keıbireýler sadaqty sonda ǵana qolǵa alyp, sál jattyǵyp, jarys syzyǵyna turdy. Sóıte tura júldege ilindi.
Jýrnalıster arasynda tuńǵysh ótip turǵan saıys áýeli ardager jýrnalıst Ýálıhan Toqpataevtyń bata berýimen bastaldy. Ol jınalǵandardy Ulystyń uly kúnimen quttyqtap, jeńis tiledi.
– Babalarymyz aq bilektiń kúshimen sadaq tartyp, jaýgershilik zamanda ulan-ǵaıyr atyrapty keıingi urpaǵyna amanat etip qaldyrdy. Endigi tilerimiz sol, el aman bolsyn! Bul jebeni buryndary el men jerdi jaýdan qorǵaý úshin qoldansa, búginde kóshpeliler oıynynda tek sánge tartyp júreıik! – dedi ardager qalamger Ýálıhan Toqpataev.
Saıysta erlermen qatar, názik jandy qyzdar da baq synasty. Qorytyndysynda atqan jebeleri nysanaǵa dóp tıip, birinshi orynǵa jaıǵasqan – oblystyq «Meniń ólkem» gazetiniń tilshisi Dıdar Erbolatqyzy. 2-oryndy «Rýdnyı Altaı» gazetiniń fototilshisi Aıaýjan О́teýlınova enshilese, 3-oryndy taǵy da «Meniń ólkem» gazetiniń jýrnalısi Qymbat Mýhamadıeva qanjyǵalady. Al erler arasynda oblystyq «Dıdar» gazetiniń tilshisi Yntymaq Tolqyn 1-oryndy jebesine ildi. 2-oryn osy gazettiń bas redaktory Serik Ábilhanǵa, 3-oryn Kókpekti aýdandyq «Juldyz» gazetiniń redaktory Darhan Berdibekke buıyrdy.
Saıys sońynda uıymdastyrýshylar saltanatty sharaǵa qoldaý kórsetken, demeýshilik etken azamattarǵa alǵysyn aıtty.
О́SKEMEN
