Foto: depositphotos.com
Qorǵa marqumnyń ápkesi jazǵan. Ol sińlisiniń 18-21 jas aralyǵyndaǵy Qonaev qalasynyń turǵyndarynyń qolynan qaıtys bolǵanynyn málimdegen.
18 jasar Jannur olardyń birimen 7 naýryz kúni tanysqan.
«Ol shamamen 14-15 naýryz aralyǵynda qatigezdikpen óltirilgen. Olar Jannurdy qaladan alysqa alyp ketip, onyń telefon nómiri arqyly nesıe alǵan. Aıaýsyz uryp, aıdalada Baqanas mańynda máıitin qaldyryp ketken. Týystaryna máıittiń 21 naýryzda tabylǵany habarlandy», delingen NeMolchiKZ qory taratqan habarlamada.
Almaty oblysy IID baspasóz qyzmetiniń habarlaýynsha, jas qyzdy óltirdi degen kúdiktiler ustaldy. Kisi óltirý týraly derek polısııaǵa 21 naýryzda túsken.
«Bul aqparatty biz birden tekserdik, 2006 jyly týǵan qyzdy óltirý faktisi rastaldy. Kisi óltirý deregi boıynsha Qonaev qalalyq polısııa bólimi qylmystyq is qozǵady. Polısııa qyzmetkerleri 2001 jáne 2003 jyly týǵan eki azamatty anyqtap, ustady. Tergeý barysynda kúdiktiler naýryzdyń 14-inen 15-ine qaraǵan túni Qonaev qalasyndaǵy qańyrap bos jatqan jerde jas qyzdy óltirgen. Kúdiktilerdiń ekeýi qolǵa tústi», dedi oblystyq polısııa departamentiniń basshysy Baýyrjan Álenov.
